സർഗം കൗശൽ മിസിസ് വേൾഡ് 2022; 21 വർഷത്തിനുശേഷം സൗന്ദര്യകിരീടം ഇന്ത്യയിലേക്ക്
ന്യൂഡൽഹി: 2022 മിസ്സിസ് വേൾഡ് കിരീടമണിഞ്ഞ് ഇന്ത്യക്കാരി സർഗം കൗശൽ. അമേരിക്കയിലെ ലാസ് വെഗാസിൽ 63 രാജ്യങ്ങൾ പങ്കെടുത്ത മത്സരത്തിലാണ് സർഗം കൗശലിനെ സൗന്ദര്യ രാജ്ഞിയായി തിരഞ്ഞെടുത്തത്. മിസ്സിസ് പൊളിനേഷ്യ രണ്ടാം സ്ഥാനവും മിസ്സിസ് കാനഡ മൂന്നാം സ്ഥാനവും നേടി. 21 വർഷത്തെ ഇടവേളയ്ക്ക് ശേഷമാണ് മിസ്സിസ് വേൾഡ് കിരീടം ഇന്ത്യയിലേക്ക് വരുന്നത്. 2001ൽ അദിതി ഗൗത്രികാറാണ് ഈ നേട്ടം സ്വന്തമാക്കിയത്. ജമ്മുവിൽ ജനിച്ചുവളർന്ന സർഗം ഇപ്പോൾ മുംബൈയിലാണ് താമസിക്കുന്നത്. ഇംഗ്ലീഷ് സാഹിത്യത്തിൽ ബിരുദം നേടിയ ശേഷം അവർ ഒരു അദ്ധ്യാപികയായി ജോലി ചെയ്യുകയായിരുന്നു. ഭർത്താവ് നേവി ഉദ്യോഗസ്ഥനാണ്.
