ചെന്നൈ തുടക്കത്തിലെ തകർച്ചയിൽ നിന്ന് കരകയറി 188 റൺസ് എന്ന മികച്ച സ്‌കോർ നേടിയെങ്കിലും 189 റൺസ് ലക്ഷ്യമിട്ട ഡൽഹി എട്ട് പന്തുകൾ ബാക്കി നിൽക്കെ ചെന്നൈയെ പരാജയപ്പെടുത്തി.
ഐ‌പി‌എൽ 2021 ഡൽഹി ക്യാപിറ്റൽസിന് ജയം .
ഐ‌പി‌എൽ 2021
ഡൽഹി ക്യാപിറ്റൽസ് ചെന്നൈ സൂപ്പർ കിംഗ്സിനെ 7 വിക്കറ്റിന് പരാജയപ്പെടുത്തി.
മുംബൈ :
ഇന്ത്യൻ പ്രീമിയർ ലീഗ് (ഐ‌പി‌എൽ) 2021 സീസണിലെ മാച്ച് 2 ൽ ഡൽഹി ക്യാപിറ്റൽസ് (ഡി‌സി) ഏഴ് വിക്കറ്റിന് ചെന്നൈ സൂപ്പർ കിങ്സിനെ പരാജയപ്പെടുത്തി.മുംബൈ വാങ്കഡെ സ്റ്റേഡിയത്തിൽ നടന്ന മത്സരത്തിൽ ടോസ് നഷ്ടപ്പെട്ടു ബാറ്റിംഗിനിറങ്ങിയ ചെന്നൈ തുടക്കത്തിലെ തകർച്ചയിൽ നിന്ന് കരകയറി 188 റൺസ് എന്ന മികച്ച സ്‌കോർ നേടിയെങ്കിലും 189 റൺസ് ലക്ഷ്യമിട്ട ഡൽഹി എട്ട് പന്തുകൾ ബാക്കി നിൽക്കെ ചെന്നൈയെ പരാജയപ്പെടുത്തി.
18.4 ഓവറിൽ മൂന്ന് വിക്കറ്റ് നഷ്ടത്തിൽ ഡൽഹി 190 റൺസ് നേടി. ഓപ്പണർമാരായ പൃഥ്വി ഷായും ശിഖർ ധവാനും ചേർന്ന് അർദ്ധ സെഞ്ച്വറികൾ നേടി. ഒൻപത് ഫോറുകളും മൂന്ന് സിക്സറുകളും അടങ്ങിയ ഷാ 38 പന്തിൽ 72 റൺസ് നേടി. അതേസമയം, 10 ഫോറുകളും രണ്ട് സിക്സറുകളും അടങ്ങിയ ധവാൻ 54 പന്തിൽ 85 റൺസ് നേടി ഒപ്പണിംഗ് വിക്കറ്റിൽ ഇരുവരും ചേർന്ന് 138 റൺസ് നേടി.
ചെന്നൈയുടെ ബൗളിംഗ് നിരയിൽ ശർദുൽ താക്കൂർ 3.4 ഓവറിൽ 53 റൺസ് വഴങ്ങിയെങ്കിലും സി‌എസ്‌കെക്ക് വേണ്ടി രണ്ട് വിക്കറ്റ് വീഴ്ത്തി.
നേരത്തെ സി‌എസ്‌കെ 20 ഓവറിൽ ഏഴ് വിക്കറ്റ് നഷ്ടത്തിൽ 188 റൺസ് നേടി. അർദ്ധ സെഞ്ച്വറി നേടിയ സുരേഷ് റെയ്‌ന മൂന്ന് ഫോറുകളും നാല് സിക്സറുകളും അടങ്ങിയ ഇന്നിങ്സിൽ 36 പന്തിൽ നിന്ന് 54 റൺസ് അദ്ദേഹം നേടി. മൊയ്ൻ അലിയും 24 പന്തിൽ 36 റൺസ് നേടി. തുടരെ വിക്കറ്റുകൾ നഷ്ടമായെങ്കിലും പിന്നീട് സാം കുറാനും രവീന്ദ്ര ജഡേജയും ഇന്നിംഗ്സിന് മികച്ച ഫിനിഷ് നൽകി. ഡൽഹിക്ക് വേണ്ടി അവേഷ് ഖാനും ക്രിസ് വോക്സും 2 വിക്കറ്റ് വീതം നേടി. സ്പിന്നർ രവിചന്ദ്രൻ അശ്വിനാണ് കൂടുതൽ തല്ലു വാങ്ങിയത്.ഒരു വിക്കറ്റ് നേടിയെങ്കിലും 47 റൺസ് വഴങ്ങി.
ഒടുവിൽ കഴിഞ്ഞ സീസണിലെ ഫൈനലിസ്റ്റുകളായ ഡൽഹി 3 തവണ ചാമ്പ്യന്മാരായ ചെന്നൈയെ ധവാന്റെയും ഷായു ടെയും 13.3 ഓവറിൽ നേടിയ 138 റൺസ് എന്ന മികച്ച തുടക്കമിട്ടു. ഡൽഹിയുടെ ക്യാപ്റ്റൻ റിഷാബ് പന്ത് 15 റൺസ്സുമായി പുറത്താകാതെ തങ്ങളുടെ ആദ്യ ജയം സ്വന്തമാക്കി.
ഇക്ബാൽ മുറ്റിച്ചൂർ.
