കൊവിഡ് ബാധിത വീടുകളിൽ കിറ്റ് വിതരണവുമായി മെമ്പർ ഷൈൻ നെടിയിരിപ്പിൽ.

വലപ്പാട്:

വലപ്പാട് ഗ്രാമപ്പഞ്ചായത്ത് 17ാം വാർഡിൽ കൊവിഡ് ബാധിത വീടുകളിൽ മെമ്പർ ഷൈൻ നെടിയിരിപ്പിലും സേവാഭാരതി പ്രവർത്തകരും ചേർന്ന് പലവ്യഞ്ജനങ്ങൾ, പച്ചക്കറി, മാസ്ക്, സാനിറ്റൈസർ, ആയുർവ്വേദ പ്രതിരോധ മരുന്നുകൾ എന്നിവ വിതരണം ചെയ്തു. വാർഡിലെ കൊവിഡ് പ്രതിരോധപ്രവർത്തനങ്ങളുടെ തുടർച്ചയായിട്ടാണ് കിറ്റുകൾ വിതരണം ചെയ്തത്. കൊവിഡ് മുക്തമാകുന്ന വീടുകൾ അണുവിമുക്തമാക്കുന്ന പ്രവർത്തനങ്ങളും സേവാഭാരതിയുടെ സഹായത്തോടെ 17-ാം വാർഡിൽ നടന്നു വരികയാണ്. വരും ദിവസങ്ങളിൽ ഇത്തരം പ്രവർത്തനങ്ങൾ തുടരുമെന്നും കൊവിഡ് മഹാമാരിക്കെതിരായ യുദ്ധത്തിൽ ഒരുമിച്ചു നിന്നു കൊണ്ട് കൊവിഡിനെ തുടച്ചു നീക്കണമെന്നും വിതരണം ഉദ്ഘാടനം ചെയ്തു കൊണ്ട് വാർഡ് മെമ്പറും യുവമോർച്ച സംസ്ഥാന സെക്രട്ടറിയുമായ ഷൈൻ നെടിയിരിപ്പിൽ പറഞ്ഞു. ആശാ വർക്കർ ബിന്ദു രാജു, സേവാഭാരതി പ്രവർത്തകരായ മധു കുന്നത്ത്, സന്തോഷ് ശ്രീരാഗം, ജ്യോതിഷ് പനക്കൽ, കിഷോർ കുമാർ, വിശാഖ് ഊണുങ്ങൽ, സനോഷ് പള്ളത്ത് എന്നിവർ പ്രവർത്തനങ്ങൾക്ക് നേതൃത്വം നൽകി.