യൂറോ 2021 ; ഗോളടിക്കാൻ മറന്ന് സ്പെയിൻ, സ്വീഡനോട് ഗോൾ രഹിത സമനില.

കരുത്തരുടെ മത്സരത്തിൽ സ്പെയിനിന് ഗോളിന് അവസരങ്ങൾ ലഭിച്ചുവെങ്കിലും അതെല്ലാം പാഴായ ദിനം. ഗോളടിക്കാൻ മറന്ന് സ്പെയിൻ. കത്രിക പൂട്ടോടെ സ്വീഡനും ഗോൾരഹിത സമനിലയിൽ പിരിഞ്ഞു.

മത്സരത്തിന്റെ ഭൂരിഭാഗവും സ്പെയിൻ ആധിപത്യം പുലർത്തിയപ്പോൾ എതിർ ഗോൾമുഖത്ത് നിരന്തരം സമ്മർദ്ദം ചെലുത്തിയിരുന്നുവെങ്കിലും യൂറോപ്യൻ ചാമ്പ്യൻഷിപ്പിൽ മുൻ ലോക ജേതാക്കളെ സ്വീഡനുകാർ സമനിലയിൽ ഒതുക്കി. ലാ കാർട്ടുജ സ്റ്റേഡിയത്തിൽ സ്വീഡന് കുറച്ച് അവസരങ്ങൾ മാത്രമേ നേടാനായുള്ളൂവെങ്കിലും അവ ഏറ്റവും അപകടകരമായവയായിരുന്നു.

കളിയിൽ ചില അപൂർവ സന്ദർഭങ്ങളിൽ മാത്രമാണ് സ്വീഡൻ അപകടകരമായി കാണപ്പെട്ടത്.

ആദ്യ പകുതിയുടെ അവസാനത്തിൽ റയൽ സോസിഡാഡ് ഫോർവേഡ് ഇസക് അലക്സാണ്ടർ തന്റെ ഷോട്ട് ഏരിയയ്ക്കുള്ളിൽ നിന്ന് അടിച്ചത് സ്പെയിനിന്റെ പ്രതിരോധ താരം മാർക്കോസ് ലോറന്റിനെ ഗോൾ ലൈനിന് മുന്നിൽ നിന്ന് പരാജയപ്പെടുത്തി.

സ്പെയിനിന്റെ അൽ‌വാരോ മൊറാറ്റയ്‌ക്ക് മിനിറ്റുകൾക്ക് മുമ്പ് മികച്ച അവസരം ലഭിച്ചുവെങ്കിലും ഗോൾകീപ്പർ റോബിൻ ഓൾസണിന്റെ തകർപ്പൻ സേവിൽ ഗോൾ ശ്രമം വിഫലമായി.

90 ആം മിനുട്ടിൽ പകരക്കാരനായ ജെറാർഡ് മൊറേനോയുടെ ഒരു ക്ലോസ് റേഞ്ച് ഹെഡറും സ്വീഡിഷ് കീപ്പർ ഓൾസൻ പ്രതിരോധിച്ചു.

ആദ്യ പകുതിയിൽ 419 പാസുകൾ പൂർത്തിയാക്കിയ സ്പെയിൻ യൂറോപ്യൻ ചാമ്പ്യൻഷിപ്പിലെ ആദ്യ 45 മിനിറ്റിലെ ഏറ്റവും ഉയർന്ന റെക്കോർഡ് നേടി. ആദ്യ പകുതിയിൽ അവർ എതിർ പകുതിയിൽ (സ്വീഡന്റെ ഭാഗത്ത്) 303 പാസുകൾ പൂർത്തിയാക്കി, യൂറോയിലെ ഏത് ടീമിന്റെയും ഏറ്റവും കൂടുതൽ പാസ്.., സ്വീഡൻ സ്പെയിന്റെ പകുതിയിൽ വെറും 38 പാസുകൾ മാത്രമാണ് നേടിയത്, യൂറോയിലെ ഏതൊരു ടീമിന്റെയും ഏറ്റവും കുറവ് പാസുകൾ. എല്ലാം കഴിഞ്ഞപ്പോൾ സ്പെയിൻ റെക്കോർഡ് നേട്ടത്തോടെ ആകെ 917 പാസുകൾ നേടി.

അതോടെ, സ്പെയിൻ അവരുടെ സ്വന്തം റെക്കോർഡ് തിരുത്തി. 9 വർഷം മുൻപ് അയർലൻഡിനെതിരെ സ്പെയിൻ 859 പാസുകൾ പൂർത്തിയാക്കിയിരുന്നു.അതിൽ 136 പാസുകളുമായി ഇതിഹാസ താരം സാവിയുമുണ്ടായിരുന്നു.

ഇരുടീമുകൾക്കും അടുത്ത മത്സരങ്ങൾ പോളണ്ട്, സ്ലോവാക്യ എന്നിവർക്കെതിരെയാണ്. നേരത്തെ പോളണ്ടിനെതിരെ സ്ലോവാക്യ ജയിച്ചതോട് കൂടി ഗ്രൂപ്പ്‌ എഫ് കഴിഞ്ഞാൽ ഏറെ നിർണായകമായ മത്സരങ്ങൾ ഈ ഗ്രൂപ്പിലാണുള്ളത്.

ഇക്ബാൽ മുറ്റിച്ചൂർ