സർവീസ് നിർത്തിവെച്ച കെ എസ് ആർ ടി സി യുടെ ബെംഗളൂരൂ ബസ്സുകൾ ഞായറാഴ്ച മുതൽ ഓടിത്തുടങ്ങും.
തിരുവനന്തപുരം:
കൊവിഡ് വ്യാപനം മൂലം സർവീസ് നിർത്തിവെച്ച കെ എസ് ആർ ടി സി യുടെ ബെംഗളൂരൂ ബസ്സുകൾ ഞായറാഴ്ച മുതൽ ഓടിത്തുടങ്ങും. യാത്ര ചെയ്യുന്നവർ 72 മണിക്കൂർ മുൻപുള്ള ആർ ടി പി സി ആർ പരിശോധന നടത്തിയ നെഗറ്റീവ് സർട്ടിഫിക്കറ്റോ ഒരു ഡോസ് വാക്സിൻ എടുത്തതിന്റെ സർട്ടിഫിക്കറ്റോ കരുതണം. തിരുവനന്തപുരം, കോഴിക്കോട്, കണ്ണൂർ എന്നിവിടങ്ങളിൽ നിന്നാണ് ആദ്യഘട്ടത്തിൽ ബസ്സുകൾ പുറപ്പെടുക. തിരുവനന്തപുരത്തു നിന്നുള്ള ബസ്സുകൾ ഞായർ വൈകീട്ടും കണ്ണൂരും കോഴിക്കോടും നിന്നുള്ളവ തിങ്കളാഴ്ചയും ആരംഭിക്കും. തമിഴ്നാട്ടിലേക്കുള്ള സർവീസിന് അനുമതിയായിട്ടില്ല. ടിക്കറ്റുകൾ www.online.keralartc.com എന്ന വെബ് സൈറ്റിലൂടെയും ‘Ente KSRTC’ എന്ന മൊബൈൽ ആപ്പിലൂടെയും റിസർവ് ചെയ്യാം.
