’പെൺമയ്ക്കൊപ്പം'; സ്ത്രീകൾക്കെതിരായ അതിക്രമങ്ങൾക്കെതിരെ വനിതകളുടെ രാത്രി നടത്തം
തിരുവനന്തപുരം: കെപിസിസിയുടെ നേതൃത്വത്തിൽ സ്ത്രീകൾക്കെതിരായ അതിക്രമങ്ങൾക്കെതിരെ ഇന്ന് രാത്രി ഒൻപതിന് സംസ്ഥാന വ്യാപകമായി സ്ത്രീകളെ അണിനിരത്തി രാത്രി നടത്തം സംഘടിപ്പിക്കും.
’പെൺമയ്ക്കൊപ്പം ’ എന്ന മുദ്രാവാക്യം ഉയർത്തിയാണ് പരിപാടി സംഘടിപ്പിക്കുന്നത്. രാത്രി നടത്തത്തിന്റെ സംസ്ഥാനതല ഉദ്ഘാടനം കെ പി സി സി പ്രസിഡണ്ട് കെ സുധാകരൻ എം പി തിരുവനന്തപുരത്ത് നിർവഹിക്കും. വിവിധ ജില്ലകളിൽ നടക്കുന്ന രാത്രി നടത്തത്തിൽ മഹിളാകോൺഗ്രസ്, യൂത്ത്കോൺഗ്രസ്, കെ എസ്‌ യു ഉൾപ്പടെയുള്ള സംഘടനകളിലെ സ്ത്രീകൾ അണിനിരക്കും.
