'ആപ്കാ കുവൈറ്റ്' സ്ഥാപക ദിനം ആചരിച്ചു
കുവൈറ്റ് : ആം ആദ്മി പ്രവാസി കൾച്ചറൽ അസോസിയേഷൻ കുവൈറ്റിന്റെ ആഭിമുഖ്യത്തിൽ ആം ആദ്മി പാർട്ടി സ്ഥാപകദിനവും ഇന്ത്യൻ ഭരണഘടനാ ദിനവും ആചരിച്ചു. അബ്ബാസിയ പോപ്പിൻസ് ഓഡിറ്റോറിയത്തിൽ കൺവീനർ വിജയൻ ഇന്നാസിയ അധ്യക്ഷത വഹിച്ച ചടങ്ങിൽ സാജു സ്റ്റീഫൻ ആമുഖപ്രഭാഷണത്തോടെ ആരംഭിച്ച യോഗത്തിൽ മുബാറക്ക് കാമ്പ്രത്ത്‌ സ്വാഗതവും അനിൽ ആനാട് മുഖ്യ സന്ദേശവും നൽകി.
ജനറൽ സെക്രട്ടറി എൽദോ എബ്രഹാം വാർഷിക റിപ്പോർട്ട് അവതരിപ്പിച്ചു. സംഘടനയിലേക്ക് പുതുതായി വന്ന അംഗങ്ങൾക്ക് പ്രകാശ് ചിറ്റേഴത്ത്, ലിൻസ് തോമസ്, സബീബ് മൊയ്തീൻ, ബിനു ഏലിയാസ് എന്നിവരുടെ നേതൃത്വത്തിൽ സ്വീകരണം നൽകി. ട്രഷറർ ഷിബു ജോൺ കൃതജ്ഞത രേഖപ്പെടുത്തി. തുടർന്ന് ബെന്നി ജോസഫിന്റെ നേതൃത്വത്തിൽ 'ഗാന സന്ധ്യ' അരങ്ങേറി.
