ഉദ്യോഗാർത്ഥികൾക്ക് പരിശീലനം സംഘടിപ്പിച്ചു
തൃശൂർ: ജില്ലയിൽ ജനുവരി 18, ഫെബ്രുവരി 12, 13 തിയ്യതികളിലായി നടക്കുന്ന ജോബ് ഫെയറിന്റെ ഭാഗമായി കുടുംബശ്രീയുടെ നേതൃത്വത്തിൽ ഉദ്യോഗാർത്ഥികൾക്കായി പരിശീലനം സംഘടിപ്പിച്ചു. ജോബ് ഫെയറിൽ രജിസ്റ്റർ ചെയ്ത് തിരഞ്ഞെടുക്കപ്പെട്ട 50 ഉദ്യോഗാർത്ഥികൾക്കാണ് പരിശീലനം നടന്നത്. രണ്ട് സെഷനായി സംഘടിപ്പിച്ച പരിശീലന പരിപാടിയുടെ
ആദ്യ ഭാഗത്തിന് അസാപ്പ് ട്രെയ്നർ എം എസ് ശ്രുതിയും രണ്ടാം ഭാഗത്തിന് കുടുംബശ്രീ ട്രെയ്നേഴ്സ് ഹേമ, ആൻസി എന്നിവരും നേതൃത്വം നൽകി. കുടുംബശ്രീ ജില്ലാ കോർഡിനേറ്റർ കെ വി ജോതിഷ് കുമാർ ഉദ്യോഗാർത്ഥികളുമായി സംവദിച്ചു. ദീന ദയാൽ ഉപാധ്യായ ഗ്രാമീണ കൗശല്യ യോജന ജില്ലാ പ്രോഗ്രാം മാനേജർ എം എസ് വിനീത സ്വാഗതം പറഞ്ഞു.
