ഡോ.ഹഫീല്‍ അമ്പലത്തിന് ആതുരസേവാ ഭൂഷൺ പുരസ്‌കാരം.
ദുബായ്: ഡോ.ഹഫീല്‍ അമ്പലത്തിന് ആതുരസേവാ ഭൂഷണ്‍ പുരസ്‌കാരം. ദുബായിലെ 'ദ ഹീലേഴ്‌സ് ക്ലിനിക്കിന്റെ' സ്ഥാപകനും സിഇഒയുമാണ്. മേഖലയില്‍ ഇരുപത് വര്‍ഷത്തെ പ്രവര്‍ത്തന പരിചയമുള്ള ഫഹീല്‍ ആറ് വര്‍ഷം മുമ്പ് ഹീലേഴ്‌സ് ക്ലിനിക്കിന് തുടക്കമിടുകയായിരുന്നു.
തൃശൂര്‍ ജില്ലയിലെ തൊയക്കാവിലുള്ള വൈദ്യ കുടുംബത്തില്‍ ജനിച്ച ഹഫീല്‍ തൃശൂര്‍ കേരള വര്‍മ കോളേജ്, കോയമ്പത്തൂര്‍ ആയുര്‍വേദ കോളേജ് എന്നിവിടങ്ങളിലാണ് പഠനം പൂര്‍ത്തിയാക്കിയത്. ഹാജി കുഞ്ഞിബാവു വൈദ്യരുടെ മകൻ മുഈനുദ്ദിൻ വൈദ്യരുടെ മകനാണ് ഡോ. ഹഫീല്‍. ഇന്ത്യന്‍ സ്വാതന്ത്ര്യദിനത്തിന്റെ 75-ാം വാര്‍ഷികത്തോടനുബന്ധിച്ചാണ് പുരസ്‌കാരം നല്‍കിയത്. വാഗ്ഭടസരണിയാണ് പുരസ്‌കാരം ഏര്‍പ്പെടുത്തിയത്.
