ജനുവരി 1 മുതൽ സര്‍ക്കാര്‍ ഓഫീസുകളില്‍ ബയോമെട്രിക് പഞ്ചിംഗ് കർശനമാക്കും
തിരുവനന്തപുരം: ജനുവരി 1 മുതൽ സര്‍ക്കാര്‍ ഓഫീസുകളില്‍ കർശനമായി ബയോമെട്രിക് പഞ്ചിംഗ് നടപ്പാക്കണമെന്ന് ചീഫ് സെക്രട്ടറി. സെക്രട്ടേറിയറ്റിലും കളക്ട്രേറ്റിലും വകുപ്പ് മേധാവികളുടെ ഓഫീസിലും ഉൾപ്പെടെ പഞ്ചിംഗ് നടപ്പാക്കണമെന്നും ഉത്തരവില്‍ വിശദികരിക്കുന്നു. ഇത് സംബന്ധിച്ച് നേരത്തെയുള്ള നിർദ്ദേശങ്ങൾ നടപ്പാക്കാത്ത സാഹചര്യത്തിലാണ് ചീഫ് സെക്രട്ടറിയുടെ പുതിയ നിർദേശം. സർക്കാർ ജീവനക്കാരുടെ കാര്യക്ഷമത ഉറപ്പാക്കാൻ ഇത് അനിവാര്യമാണെന്നും ചീഫ് സെക്രട്ടറി കൂട്ടിച്ചേർത്തു.
