ബോക്സിങ്; 51 കിലോഗ്രാം വിഭാഗത്തിൽ മേരി കോം പുറത്ത്.
ടോക്യോ: ടോക്യോ ഒളിമ്പിക്സ് 51 കിലോഗ്രാം ഫ്ളൈവെയ്റ്റ് പ്രീ ക്വാർട്ടറിൽ 2016 റിയോ ഒളിമ്പിക്സിൽ വെങ്കലം നേടിയ കൊളംബിയയുടെ ലോറെന വലൻസിയയോട് നേരിട്ട മത്സരത്തിൽ ഇന്ത്യൻ താരം മേരി കോം പുറത്ത്. കടുത്ത പോരാട്ടം നടന്ന മത്സരത്തിൽ 3-2നായിരുന്നു തോൽവി.
38കാരിയായ ഇന്ത്യൻ താരം ഡൊമിനിക്കയുടെ മിഗ്വലിന ഗാർഷ്യ ഹെർണാണ്ടസിനെ തോൽപ്പിച്ചാണ് പ്രീക്വാർട്ടറിലെത്തിയത്. 2012 ലണ്ടൻ ഒളിമ്പിക്സിൽ വെങ്കലം നേടിയ മേരികോം ആറുവട്ടം ലോകചാമ്പ്യനായിട്ടുണ്ട്. ഏഷ്യൻ ചാമ്പ്യൻഷിപ്പിലും ഒന്നാമതെത്തി. അമ്മയായശേഷം റിങ്ങിലെത്തി ഏറെ നേട്ടമുണ്ടാക്കിയ താരം കൂടിയാണ് കോം.
