സർവകലാശാല അഭിമുഖങ്ങളിൽ മാർക്കറിയാൻ ഉദ്യോഗാർഥികൾക്ക് അവകാശമുണ്ട്: വിവരാവകാശ കമ്മീഷൻ

തിരുവനന്തപുരം: സർവകലാശാല നടത്തുന്ന അഭിമുഖങ്ങളിൽ മാർക്ക് തരംതിരിച്ച് രേഖയാക്കിവെക്കണമെന്ന് വിവരാവകാശ കമ്മീഷൻ ഉത്തരവിട്ടു. പത്തനംതിട്ട സ്വദേശി ഡോ.ശ്രീവൃന്ദ നായരുടെ പരാതിയിലാണ് കമ്മീഷന്‍റെ ഈ നിർണായക ഉത്തരവ്. മാർക്ക് നൽകുന്ന പ്രക്രിയ സുതാര്യമാക്കണമെന്നും സ്കോർഷീറ്റ് ഉദ്യോഗാർത്ഥികൾക്ക് ലഭ്യമാക്കണമെന്നും കമ്മീഷൻ പറഞ്ഞു. വിവിധ ഭാഗങ്ങളിലായി എത്ര മാർക്ക് ലഭിച്ചുവെന്ന് അറിയാൻ ഉദ്യോഗാർത്ഥികൾക്ക് അവകാശമുണ്ടെന്നും ആവശ്യാനുസരണം സ്കോർ ഷീറ്റ് ഉദ്യോഗാർത്ഥികൾക്ക് നൽകണമെന്നും ഉത്തരവിൽ കമ്മീഷൻ പറയുന്നു. എംജി യൂണിവേഴ്സിറ്റിയിലെ ഇന്‍റർവ്യൂ ബോർഡിന്‍റെ നടപടിയിൽ സുതാര്യതയില്ലെന്നും കമ്മീഷണർ വ്യക്തമാക്കി.