മാൻഹോളിൽ ഇനി റോബോട്ടേ ഇറങ്ങൂ; രാജ്യത്തെ ആദ്യ സംസ്ഥാനമായി കേരളം

തൃശൂർ: രാജ്യത്തെ ആദ്യ റോബോട്ടിക് മാൻഹോൾ ശുചീകരണത്തിന് കേരളം. ഇനി മുതൽ മാൻഹോളുകളിലെ അഴുക്കും മാലിന്യങ്ങളും വൃത്തിയാക്കാൻ റോബോട്ടിക് സംവിധാനങ്ങൾ മാത്രമേ ഉപയോഗിക്കൂ, അതിനാൽ മനുഷ്യർക്ക് വൃത്തിയാക്കാനുള്ള ബുദ്ധിമുട്ട് നേരിടേണ്ടി വരില്ല. ഇന്നലെ ഗുരുവായൂരിൽ ബാൻഡ്കൂറ്റ് എന്ന റോബോട്ടിക് യന്ത്രം മന്ത്രി റോഷി അഗസ്റ്റിൻ ഉദ്ഘാടനം ചെയ്തു. ഇതോടെ മാൻഹോളുകൾ വൃത്തിയാക്കാൻ പൂർണ്ണമായും മെക്കാനിക്കൽ സഹായം ഒരുക്കുന്ന ആദ്യ സംസ്ഥാനമായി കേരളം മാറി. ടെക്നോപാർക്ക് സ്റ്റാർട്ടപ്പ് സംരംഭമായ ജെൻറോബോട്ടിക്സാണ് ഇത് വികസിപ്പിച്ചെടുത്തത്. യന്ത്രത്തിന്‍റെ പ്രവർത്തനം സംസ്ഥാനമൊട്ടാകെ വ്യാപിപ്പിക്കുമെന്നും നിലവിലുള്ള എല്ലാ അഴുക്കുചാലുകളും വൃത്തിയാക്കാൻ റോബോട്ടിക് മെഷീൻ ഉപയോഗിക്കുമെന്നും മന്ത്രി പറഞ്ഞു. കേരള സ്റ്റാർട്ടപ്പ് മിഷൻ സംഘടിപ്പിച്ച ഹഡിൽ ഗ്ലോബൽ 2022 കോൺക്ലേവിൽ ജെൻറോബോട്ടിക്സ് അടുത്തിടെ കേരള പ്രൈഡ് അവാർഡ് നേടിയിരുന്നു.