കുട്ടികൾക്കുള്ള കൊവിഡ് 19 വാക്സിനേഷൻ; തൃശൂർ ജില്ലയിൽ ജനുവരി 3 മുതൽ
15 വയസ്സു മുതൽ 18 വയസ്സ് വരെയുള്ള കുട്ടികൾക്ക് കോവിഡ് 19 വാക്സിനായ കോവാക്സിന്റെ വിതരണം തൃശൂർ ജില്ലയിൽ ജനുവരി 3 മുതൽ ആരംഭിക്കും. 2007 ലോ അതിന് മുൻപോ ജനിച്ചവർക്കാണ് വാക്സിൻ സ്വകരിക്കാൻ കഴിയുക.
ജനുവരി 1 മുതൽ കോവിൻ വെബ്സൈറ്റിൽ (www.cowin.gov.in) രജിസ്റ്റർ ചെയ്യാം. കൂടാതെ ജനുവരി 3 മുതൽ വാക്സിനേഷൻ സെന്ററുകളിൽ നേരിട്ടെത്തി വാക്സിൻ സ്വീകരിക്കാവുന്നതാണ്. കോവിൻ പോർട്ടലിൽ രജിസ്റ്റർ ചെയ്ത് വാക്സിൻ സ്വീകരിക്കുന്നതായിരിക്കും അഭികാമ്യം . കുട്ടികൾക്കായുള്ള വാക്സിനേഷനായി വാക്സിനേഷൻ കേന്ദ്രങ്ങളിൽ പ്രത്യേക സംവിധാനങ്ങൾ ഒരുക്കുന്നതാണ്. എല്ലാ വിധത്തിലുമുളള കൊവിഡ് പ്രോട്ടോക്കോൾ പാലിച്ചായിരിക്കും വാക്സിൻ നൽകുന്നത്. വാക്സിനേഷന് മുൻപും ശേഷവും കുട്ടികളെ നിരീക്ഷിച്ച് ആരോഗ്യ നില ഉറപ്പാക്കുമെന്ന് ജില്ലാ മെഡിക്കൽ ഓഫീസർ അറിയിച്ചു.
