ഇന്ത്യയിലേക്ക് 6 രാജ്യങ്ങളിൽ നിന്ന് വരുന്നവർക്ക് കൊവിഡ് നെഗറ്റീവ് സർട്ടിഫിക്കറ്റ് ഇനി നിർബന്ധം
ന്യൂഡൽഹി: ചൈനയിൽ നിന്നും മറ്റ് 5 രാജ്യങ്ങളിൽ നിന്നും വരുന്ന യാത്രക്കാർക്ക് അടുത്തയാഴ്ച മുതൽആർടി-പിസിആർ നെഗറ്റീവ് സർട്ടിഫിക്കറ്റ് നിർബന്ധമാക്കിയേക്കും. ചൈന, ജപ്പാൻ, ദക്ഷിണ കൊറിയ, ഹോങ്കോങ്, തായ്ലൻഡ്, സിംഗപ്പൂർ എന്നിവിടങ്ങളിൽ നിന്ന് എത്തുന്ന അന്താരാഷ്ട്ര യാത്രക്കാർ 'എയർസുവിധ' ഫോം പൂരിപ്പിച്ച് 72 മണിക്കൂർ മുൻപുള്ള ആർടി-പിസിആർ പരിശോധനാ ഫലം കൈയിൽ കരുതണം. അടുത്തയാഴ്ച മുതൽ ഇത് നിർബന്ധമാക്കുമെന്നാണ് വിവരം. കഴിഞ്ഞ രണ്ട് ദിവസത്തിനുള്ളിൽ 6,000 പേരെപരിശോധിച്ചതിൽ 39 അന്താരാഷ്ട്ര യാത്രക്കാർക്ക് വൈറസ് ബാധ സ്ഥിരീകരിച്ചിരുന്നു. ജനുവരിയിൽഇന്ത്യയിൽ കൊവിഡ് കേസുകളിൽ വർദ്ധനവിനുള്ള സാധ്യതയുമുണ്ട്. അടുത്ത 40 ദിവസംനിർണായകമാണെന്ന് കേന്ദ്ര ആരോഗ്യ മന്ത്രാലയം അറിയിച്ചു. ചൈനയും ദക്ഷിണ കൊറിയയും ഉൾപ്പെടെയുള്ളചില രാജ്യങ്ങളിൽ കൊവിഡ് കേസുകൾ വർധിക്കുന്ന സാഹചര്യത്തിൽ കേന്ദ്ര സർക്കാർ ജാഗ്രതാ നിർദേശംനൽകുകയും ഏത് സാഹചര്യവും നേരിടാൻ തയ്യാറാകാൻ സംസ്ഥാനങ്ങളോടും കേന്ദ്രഭരണ പ്രദേശങ്ങളോടുംആവശ്യപ്പെടുകയും ചെയ്തിരുന്നു.
