സി എസ് സുജാത ജനാധിപത്യ മഹിളാ അസോസിയേഷന്‍ സംസ്ഥാന സെക്രട്ടറി
തിരുവനന്തപുരം: സി പി എം നേതാവും മുന്‍ എം പിയുമായ സി എസ് സുജാതയെ അഖിലേന്ത്യാ ജനാധിപത്യ മഹിളാ അസോസിയേഷന്‍ സംസ്ഥാന സെക്രട്ടറിയായി തെരഞ്ഞെടുത്തു. സെക്രട്ടറിയായിരുന്ന അഡ്വ. പി സതീദേവി വനിതാ കമ്മീഷന്‍ അധ്യക്ഷയായി ചുമതലയേറ്റ സാഹചര്യത്തിലാണ് പുതിയ നിയമനം.
എസ് എഫ്‌ ഐയിലൂടെയാണ് സുജാത രാഷട്രീയരംഗത്തെത്തുന്നത്. 2004 ല്‍ മാവേലിക്കരയില്‍ നിന്നും ലോക്‌സഭയിലേക്ക് വിജയിച്ചിട്ടുണ്ട്. നിലവില്‍ ജനാധിപത്യ മഹിളാ അസോസിയേഷന്‍ സംസ്ഥാന ട്രഷറര്‍ ആയിരുന്നു സുജാത. ട്രഷറര്‍ സ്ഥാനത്തേക്ക് ഇ പത്മാവതിയെ തെരഞ്ഞെടുത്തു. സൂസന്‍കോടി സംസ്ഥാന പ്രസിഡന്റായി തുടരും.
സംസ്ഥാന കമ്മിറ്റിയോഗത്തില്‍ അഖിലേന്ത്യാ വൈസ് പ്രസിഡന്റ് പി കെ ശ്രീമതി, കേന്ദ്രക്കമ്മിറ്റി അംഗങ്ങളായ കെ കെ ശൈലജ, മന്ത്രി ആര്‍ ബിന്ദു എന്നിവര്‍ പങ്കെടുത്തു.
