ധീവരസഭ ഏങ്ങണ്ടിയൂർ കരയോഗത്തിന്റെ ആഭിമുഖ്യത്തിൽ വിദ്യാഭ്യാസ പുരസ്കാര വിതരണം സംഘടിപ്പിച്ചു

ഏങ്ങണ്ടിയൂർ : അഖില കേരള ധീവരസഭ ഏങ്ങണ്ടിയൂർ കരയോഗവും ഏങ്ങണ്ടിയൂർ സൗഹൃദവേദി യു.എ.ഇ യും ഏങ്ങണ്ടിയൂർ ഖത്തർ ബ്രദേഴ്സിന്റെയും നേതൃത്വത്തിൽ ഉന്നത വിജയം നേടിയ വിദ്യാർത്ഥികൾക്ക് വിദ്യാഭ്യാസ പുരസ്കാര വിതരണം സംഘടിപ്പിച്ചു. കരയോഗം ഓഫീസിൽ നടന്ന ചടങ്ങ് ഏങ്ങണ്ടിയൂർ പഞ്ചായത്ത് പ്രസിഡണ്ട് സുശീല സോമൻ ഉദ്ഘാടനം ചെയ്തു. ഗ്രാമ പഞ്ചായത്ത് വൈസ് പ്രസിഡണ്ട് ബി.കെ സുദർശനൻ, ധീവരസഭ ജില്ലാ പ്രസിഡണ്ട് കെ.വി തമ്പി എന്നിവർ എസ്.എസ്.എൽ.സി, പ്ലസ് ടു പരീക്ഷകളിൽ ഉന്നത വിജയം നേടിയ വിദ്യാർത്ഥികൾക്ക് അവാർഡ് ദാനം നിർവ്വഹിച്ചു. എം.ബി.ബി.എസ് പരീക്ഷയിൽ സംസ്ഥാന തലത്തിൽ ഒന്നാം റാങ്ക് നേടിയ അശ്വതി സൂരജിനെയും ആദരിച്ചു. കരയോഗം പ്രസിഡണ്ട് ഒ.എസ് ഷൺമുഖൻ അദ്ധ്യക്ഷത വഹിച്ച ചടങ്ങിൽ സെക്രട്ടറി സി. എസ് ചന്ദ്രശേഖരൻ, തളിക്കുളം ബ്ലോക്ക് പഞ്ചായത്തംഗം കെ.ബി സുധ, ഗ്രാമ പഞ്ചായത്തംഗം ഉഷ സുകുമാരൻ, സ്റ്റാന്റിങ് കമ്മറ്റി ചെയർപേഴ്സൺ അനിത മുരുകേശൻ, യു.വി സുകുമാരൻ, യു.എം സുരേഷ്, രോഷ്നി, യു.എം സുബ്രഹ്മണ്യൻ, അഡ്വ.ഷീജ സന്ദീപ്, പി.എം വിദ്യാസാഗർ എന്നിവർ സംസാരിച്ചു.