യൂറോ 2021 - തകർപ്പൻ ടീമുമായി ബെൽജിയം .

1972-ലാണ് ബെൽജിയം യൂറോയിലെ ആദ്യ ടൂർണമെന്റിൽ പങ്കെടുത്തത്, അവിടെ അവർ മൂന്നാം സ്ഥാനത്തെത്തി. ടൂർണമെന്റിന് ആതിഥേയത്വം വഹിച്ച 1972 യൂറോയിൽ നാല് ടീമുകൾ മാത്രമാണ് മത്സരിച്ചത്. 1980 ൽ അടുത്ത തവണ അവർ ചാമ്പ്യൻഷിപ്പിലേക്ക് മുന്നേറുമ്പോൾ ബെൽജിയത്തിന് ഫൈനലിലെത്താൻ കഴിഞ്ഞു, പശ്ചിമ ജർമ്മനിയോട് പരാജയപ്പെട്ടു. ടൂർണമെന്റിന്റെ 1984 പതിപ്പിലും അവർ എത്തി, പക്ഷേ ഗ്രൂപ്പ് ഘട്ടങ്ങളിൽ അവർ പുറത്തായി. തുടർച്ചയായി മൂന്ന് ടൂർണമെന്റുകൾ നഷ്ടമായ ബെൽജിയം 2000 ൽ നെതർലാൻഡിനൊപ്പം വീണ്ടും ടൂർണമെന്റിന്റെ ആതിഥേയത്വം വഹിച്ചു. ഗ്രൂപ്പ് ഘട്ടങ്ങളിൽ നിന്ന് പുരോഗതി നേടുന്നതിൽ പരാജയപ്പെട്ട അവർ തുടർച്ചയായി മൂന്ന് ടൂർണമെന്റുകൾ നഷ്ടപ്പെടുത്തി. കളിക്കാരുടെ 'ഗോൾഡൻ ജനറേഷൻ' എന്ന് പരക്കെ പറയുന്ന ബെൽജിയം ടീം യൂറോ 2020 ൽ പ്രവേശിക്കുമ്പോൾ ടൂർണമെന്റിന്റെ പ്രിയങ്കര ടീമുകളിൽ ഒന്നാണ് .

ബെൽജിയം ഇതുവരെ പ്രധാന മത്സരങ്ങളിൽ കപ്പ് നേടിയിട്ടില്ല, നിലവിൽ അവരുടെ ‘ഗോൾഡൻ ജനറേഷൻ’ എന്നറിയപ്പെടുന്ന പ്രായമാകുന്ന ചില പ്രധാന കളിക്കാരാണ് മുതൽക്കൂട്ട്.ഇത് അവരുടെ മികച്ച അവസരമായിരിക്കും. ഫിറ്റ്‌നെസ് ആശങ്കകളും ദുർബലമായ പ്രതിരോധവുമാണ് അവരുടെ പ്രധാന ആശങ്കകൾ, പക്ഷേ പ്രതീക്ഷകൾ ഇപ്പോഴും ഉയർന്നതാണ്. ചാമ്പ്യൻസ് ലീഗ് ഫൈനലിസ്റ്റും പ്രീമിയർ ലീഗ് ജേതാക്കളുമായ മാഞ്ചസ്റ്റർ സിറ്റിയുടെ കുന്തമുനയായ കെവിൻ ഡി ബ്രൂയിൻ, സ്പെയിൻ വമ്പന്മാരായ റയൽ മാഡ്രിഡിലെ വേഗക്കാരൻ ഈഡൻ ഹസാർഡ്, ഇതിനൊക്കെ പുറമെ വേഗം കൊണ്ടും കളിക്കളത്തിലെ ബുദ്ധിപൂർവമായ നീക്കങ്ങൾ കൊണ്ടും കറുത്ത കുതിരയായ ഇറ്റലിയൻ ലീഗ് വർഷങ്ങൾക്ക് ശേഷം നേടിക്കൊടുക്കുന്നതിൽ ഗോളടിച്ചും അടിപ്പിച്ചും ഇന്റർ മിലനായി മിന്നും പ്രകടനം കാഴ്ചവെച്ച റൊമേലു ലുകാകു എന്നിവരെപ്പോലുള്ള നിലവാരമുള്ള കളിക്കാർ തന്നെയാണ് ബെൽജിയത്തിന്റെ പ്രതീക്ഷ.

ഈ സീസണിൽ മാഞ്ചസ്റ്റർ സിറ്റിക്കായി 9 ഗോളുകളും 17 അസിസ്റ്റുകളുമുള്ള ഡി ബ്രൂയിൻ ലോകത്തിലെ ഏറ്റവും മികച്ച കളിക്കാരിൽ ഒരാളായി സ്ഥാനം ഉറപ്പിച്ചു കഴിഞ്ഞു. ഈ മിഡ്ഫീൽഡറുടെ നേതൃത്വത്തിലാണ് സിറ്റി പ്രീമിയർ ലീഗ്, കാരാബാവോ കപ്പും നേടിയത്.

ഈഡൻ ഹസാർഡ് ക്യാപ്റ്റൻ സ്ഥാനം വഹിക്കും.ഗെയിമിനെ സ്വാധീനിക്കാൻ ബെൽജിയത്തിന് തന്റെ സൃഷ്ടിപരമായ നൈപുണ്യം ഉപയോഗിക്കാൻ ഹസർഡിനൊപ്പം ഡി ബ്രൂവിന് സ്വാതന്ത്ര്യമുണ്ടായിരിക്കും, ഒപ്പം ലുകാകുമായുള്ള ഒരു ലിങ്ക് മികച്ച കാഴ്ചയായി മാറും.

18 വയസുള്ള ജെറമി ഡോക്കു ടീമിലെ ഏറ്റവും പ്രായം കുറഞ്ഞ കളിക്കാരനാണ്. ഈ യുവതാരം ഇതിനകം തന്നെ തന്റെ രാജ്യത്തിനായി രണ്ട് ഗോളുകൾ നേടിയിട്ടുണ്ട്, ലുകാകു, ഹസാർഡ്, മിച്ചി ബാറ്റ്ഷുവായ് എന്നിവർ മുന്നിലാണെങ്കിലും, അവസരം ലഭിക്കുകയാണെങ്കിൽ ഡോകുവും ശ്രദ്ധിക്കേണ്ട ആളായിരിക്കും . ഫ്ലയറിന്റെ വേഗതയും കളിയിലെ നിലവാരവും ഡ്രിബ്ലിംങും പ്രശംസനീയമാണ്.

2018 ലോകകപ്പിൽ മൂന്നാം സ്ഥാനം നേടിയ ശേഷം പിന്നീട് വരുന്ന സുപ്രധാന ടൂർണമെന്റ് ആയത്കൊണ്ട് കോച്ച് റോബർട്ടോ മാർട്ടിനെസിന് നിർണായകമാണ്. ഫ്രാൻസ്, ജർമ്മനി, ഇംഗ്ലണ്ട്, പോർച്ചുഗൽ എന്നിവരാകും അവരുടെ ഏറ്റവും അടുത്ത എതിരാളികളായി വിലയിരുത്തപ്പെടുന്നത് .

26 അംഗ സാധ്യത ടീം :

ഗോൾകീപ്പർമാർ: തിബട്ട് കോർട്ടോയിസ് (റയൽ മാഡ്രിഡ്), സൈമൺ മിഗ്നോലെറ്റ് (ക്ലബ് ബ്രഗ്), മാറ്റ്സ് സെൽസ് (സ്ട്രാസ്ബ്രോഗ്)

ഡിഫെൻഡർമാർ: ടോബി ആൽ‌ഡർ‌വെയർ‌ഡ് (ടോട്ടൻ‌ഹാം), ഡെഡ്രിക് ബോയാറ്റ (ഹെർ‌ത ബെർലിൻ), ജേസൺ ഡെനായർ (ലിയോൺ), തോമസ് വെർ‌മെലെൻ (വിസൽ കോബി), ജാൻ‌ വെർ‌ട്ടോൻ‌ഗെൻ‌ (ബെൻ‌ഫിക്ക), തിമോത്തി കാസ്റ്റാഗെൻ (ലീസസ്റ്റർ), തോമസ് മനിയർ‌ (ബോറുസിയ ഡോർട്മണ്ട്)

മിഡ്‌ഫീൽഡർമാർ: കെവിൻ ഡി ബ്രൂയിൻ (മാൻ സിറ്റി), ലിയാൻഡർ ഡെൻഡോങ്കർ , ഡെന്നിസ് പ്രേറ്റ് (ലീസസ്റ്റർ), യൂറി ടൈൽമാൻ (ലീസസ്റ്റർ), ഹാൻസ് വനകൻ (ക്ലബ് ബ്രഗ്), ആക്‌സൽ വിറ്റ്‌സെൽ (ബോറുസിയ ഡോർട്മണ്ട്), യാനിക് കാരാസ്കോ (അറ്റ്ലെറ്റിക്കോ മാഡ്രിഡ്), നാസർ ചാഡ്‌ലി (ഇസ്താംബുൾ ബസക്‌സീർ), തോർഗൻ ഹസാർഡ് (ബോറുസിയ ഡോർട്മണ്ട്)

ഫോർവേഡ്സ്: മിച്ചി ബാറ്റ്ഷുവായ് (ക്രിസ്റ്റൽ പാലസ്), ക്രിസ്റ്റ്യൻ ബെന്റകെ (ക്രിസ്റ്റൽ പാലസ്), റൊമേലു ലുകാകു (ഇന്റർ), ജെറമി ഡോകു (റെന്നസ്), ഈഡൻ ഹസാർഡ് (റയൽ മാഡ്രിഡ്), ഡ്രൈസ് മെർട്ടൻസ് (നാപോളി), ലിയാൻ‌ഡ്രോ ട്രോസാർഡ് (ബ്രൈടൺ)

ഇക്ബാൽ മുറ്റിച്ചൂർ