ഹോക്കി ലോകകപ്പ്; ക്വാര്‍ട്ടര്‍ കാണാതെ ഇന്ത്യ പുറത്ത്
ഭുവനേശ്വര്‍: ഹോക്കി ലോകകപ്പിൽ ന്യൂസിലൻഡിനോട് തോറ്റ് ഇന്ത്യ ക്വാട്ടർ കാണാതെ പുറത്ത്. പെനാൽറ്റി ഷൂട്ടൗട്ടിൽ ഇന്ത്യ 4-5ന് തോറ്റു. നിശ്ചിത സമയത്ത് മത്സരം 3-3 ന് സമനിലയിലാവുകയും മത്സരം ഷൂട്ടൗട്ടിലേക്ക് പോകുകയും ചെയ്തു. ഷൂട്ടൗട്ടിൽ ന്യൂസിലൻഡിനായി സീൻ ഫിൻഡ്ലി രണ്ട് ഗോളുകളും നിക് വുഡ്സ്, ഹെയ്ഡൻ ഫിലിപ്സ്, സാം ലെയ്ൻ എന്നിവർ ഓരോ ഗോളുകളും നേടി. ഇന്ത്യയ്ക്കായി രാജ്കുമാർ പാൽ രണ്ട് ഗോളുകൾ നേടി. രാജ്‌കുമാറിനെ കൂടാതെ ഹർമൻപ്രീത് സിങ്, സുഖ്ജീത് സിങ് എന്നിവർ മാത്രമാണ് സ്കോർ ചെയ്തത്. ഷംഷെർ സിങ്ങിന്‍റെ രണ്ട് കിക്കും പാഴായി. കേരള താരം ഗോൾകീപ്പർ പി ആർ ശ്രീജേഷിന് പരിക്കേറ്റതും ഇന്ത്യയ്ക്ക് തിരിച്ചടിയായിട്ടുണ്ട്. കൃഷൻ ബഹാദൂർ പഥകാണ് രാജേഷിന് പകരം ഗോളിയായത്.
