സ്വർണ വിലയിൽ വർധന; പവന് 240 രൂപ കൂടി
തിരുവനന്തപുരം: സംസ്ഥാനത്ത് ഇന്ന് സ്വർണ വിലയിൽ വർധന. പവന് 240 രൂപയാണ് ഇന്ന് കൂടിയത്. ഇതോടെ അഞ്ച് ദിവസത്തിന് ശേഷം സ്വർണ വില 44,000 രൂപയായി ഉയർന്നു. ഒരു ഗ്രാം 22 കാരറ്റ് സ്വർണത്തിന് 30 രൂപയാണ് ഇന്ന് കൂടിയത്. 5,500 രൂപയാണ് ഇന്നത്തെ വിപണി വില. ഇന്നലെ ഒരു ഗ്രാം 18 കാരറ്റ് സ്വർണത്തിന് 25 രൂപ വർധിച്ചിരുന്നു. 4,570 രൂപയാണ് വിപണി വില. സംസ്ഥാനത്ത് വെള്ളി വിലയിൽ ഇന്ന് ഒരു രൂപ കൂടി. ഇതോടെ ഒരു ഗ്രാം വെള്ളിയുടെ വില 77 രൂപയായി ഉയർന്നു. അതേസമയം, ഹാൾമാർക്ക് ചെയ്ത വെള്ളിയുടെ വിലയിൽ മാറ്റമില്ല. 90 രൂപയാണ് വിപണി വില.
