കുവൈറ്റ് ഭരണാധികാരികൾക്കും ജനതക്കും ഊഷ്മളമായ ഈദുൽ ഫിത്തർ ആശംസകൾ അറിയിച്ച് ഇന്ത്യൻ പ്രധാനമന്ത്രി നരേന്ദ്രമോദി

ഈദുൽ ഫിത്തർ ആശംസകൾ അറിയിച്ച് ഇന്ത്യൻ പ്രധാനമന്ത്രി നരേന്ദ്രമോദി കുവൈറ്റ് അമീർ ഷെയ്ഖ് നവാഫ് അൽ-അഹമ്മദ് അൽ-ജാബർ അൽ-സബാഹിനും കുവൈറ്റിലെ ജനങ്ങൾക്കും തന്റെയും ഇന്ത്യയിലെ ജനങ്ങളുടെയും പേരിൽ ഊഷ്മളമായ ആശംസകൾ അറിയിച്ച് കത്തയച്ചു . കഴിഞ്ഞ ഒരു മാസമായി ഇന്ത്യയിലും ലോകമെമ്പാടുമുള്ള മുസ്ലീങ്ങൾ വിശുദ്ധ റമദാൻ ആചരിക്കുന്നുവെന്നും . പരമ്പരാഗത ആവേശത്തോടെ ഈദ് അൽ ഫിത്തർ ആഘോഷിക്കാൻ അവർ ഇപ്പോൾ തയ്യാറെടുക്കുമ്പോൾ, ലോകമെമ്പാടുമുള്ള ആളുകൾ സാഹോദര്യത്തിന്റെയും ഒരുമയുടെയും മൂല്യങ്ങളെക്കുറിച്ച് ഓർമ്മിക്കുന്നു. ഈദ് അൽ ഫിത്റിന്റെ ഈ പുണ്യ വേളയിൽ, ലോകമെമ്പാടുമുള്ള ജനങ്ങൾക്ക് സമാധാനത്തിനും ഐക്യത്തിനും നല്ല ആരോഗ്യത്തിനും സന്തോഷത്തിനും വേണ്ടി പ്രാർത്ഥിക്കുന്നതായും ഇന്ത്യൻ പ്രധാനമന്ത്രി മോഡി അറിയിച്ചു .