മയക്കുമരുന്ന് കേസിൽ ആര്യൻ ഖാനെതിരെ തെളിവില്ലെന്ന് അന്വേഷണ സംഘം
കോളിളക്കം സൃഷ്ടിച്ച ആഡംബര കപ്പലിലെ മയക്കുമരുന്ന് കേസിൽ ബോളിവുഡിലെ സൂപ്പർ താരം ഷാരൂഖ് ഖാൻ്റെ മകൻ ആര്യൻ ഖാന് എതിരെ തെളിവില്ലെന്ന് അന്വേഷണ സംഘം. നാർക്കോട്ടിക് കൺട്രോൾ ബ്യൂറോയുടെ പ്രത്യേക അന്വേഷണ സംഘമാണ് റിപ്പോർട്ട് നൽകിയത്.
ആഡംബര കപ്പലിലെ റെയ്ഡ് നടപടിക്രമങ്ങൾ പാലിക്കാതെയാണെന്നും റിപ്പോർട്ടിൽ പറയുന്നു. ഇത്തരം സംഭവങ്ങളിൽ റെയ്ഡ് നടത്തുമ്പോൾ പാലിക്കേണ്ട നിരവധി നടപടിക്രമങ്ങളുണ്ട്. സമീർ വാങ്കഡേയുടെ നേതൃത്വത്തിലുള്ള ആദ്യ അന്വേഷണ സംഘം നടപടിക്രമങ്ങളിൽ കുറ്റകരമായ അനാസ്ഥയും വീഴ്ചയും വരുത്തി.
റെയ്ഡിൻ്റെ ദൃശ്യങ്ങൾ വീഡിയോയിൽ ചിത്രീകരിക്കുന്നത് ഉൾപ്പെടെയുള്ള നിയമപരമായ കാര്യങ്ങൾ പാലിച്ചില്ല. ആര്യൻ ഖാൻ്റെ വാട്സാപ്പ് ചാറ്റിൽ നിന്ന് അയാൾക്കെതിരെ തെളിവുകൾ ഒന്നും ലഭിച്ചില്ലെന്നും റിപ്പോർട്ടിലുണ്ട്.
