മഞ്ഞുവീഴ്ച ആരംഭിച്ചു; അബുദാബിയിൽ റെഡ്, യെല്ലോ അലർട്ടുകൾ പ്രഖ്യാപിച്ചു
അബുദാബി: കനത്ത മഞ്ഞുവീഴ്ചയ്ക്ക് സാധ്യതയുള്ളതിനാൽ അബുദാബിയുടെ ചില ഭാഗങ്ങളിൽ ഇന്ന് റെഡ്, യെല്ലോ അലർട്ട് പ്രഖ്യാപിച്ചു. അൽദഫ്ര, റുവൈസ്, തീരപ്രദേശങ്ങൾ എന്നിവിടങ്ങളിൽ റെഡ് അലർട്ടും മറ്റ് പ്രദേശങ്ങളിൽ യെല്ലോ അലർട്ടും പ്രഖ്യാപിച്ചിട്ടുണ്ട്. ദൂരക്കാഴ്ച കുറയുന്നതിനാൽ ട്രാഫിക് നിയമങ്ങൾ പാലിച്ച് സാവധാനം വാഹനമോടിക്കണമെന്നും നിർദേശമുണ്ട്. മഴ, മഞ്ഞ്, പൊടിക്കാറ്റ് തുടങ്ങിയ അസ്ഥിരമായ കാലാവസ്ഥയിൽ അബുദാബി റോഡുകളിലെ വേഗപരിധി മണിക്കൂറിൽ 80 കിലോമീറ്ററായി കുറച്ചിട്ടുണ്ട്. ദിവസം ഭാഗികമായി മേഘാവൃതമായിരിക്കും. മണിക്കൂറിൽ 10-30 കിലോമീറ്റർ വരെ വേഗതയിൽ വീശിയടിച്ചേക്കാവുന്ന കാറ്റിനും സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.
