ജപ്പാൻ വാസ്തുശില്പി അരാറ്റ ഇസോസാകി അന്തരിച്ചു

ടോക്യോ: ലോകപ്രശസ്ത ജാപ്പനീസ് വാസ്തുശിൽപിയും 'ആർക്കിടെക്ട് നോബൽ' എന്നറിയപ്പെടുന്ന പ്രിറ്റ്സ്കർ പുരസ്കാര ജേതാവുമായ അരാറ്റ ഇസോസാക്കി (91) അന്തരിച്ചു. തെക്കൻ ദ്വീപായ ഒകിനാവയിലെ വീട്ടിൽ ബുധനാഴ്ചയായിരുന്നു അന്ത്യം. അദ്ദേഹത്തിന്‍റെ സൃഷ്ടികൾ സംസ്കാരങ്ങളുടെയും ചരിത്രത്തിന്‍റെയും സംയോജനമായിരുന്നു, ആധുനികാനന്തര വാസ്തുവിദ്യയ്ക്ക് വളരെയധികം സംഭാവന നൽകി. പ്രശസ്ത വാസ്തുശിൽപിയായ കെൻസോ ടാങ്കെയുടെ ശിക്ഷണത്തിൽ 1987-ൽ ഇസോസാകി തന്‍റെ ശിൽപ ജീവിതം ആരംഭിച്ചു. അദ്ദേഹത്തിന്‍റെ ആദ്യകാല സൃഷ്ടികളിലൊന്ന് അദ്ദേഹത്തിന്‍റെ ജൻമനാടായ ഒയിറ്റയിൽ സ്ഥാപിതമായ പബ്ലിക് ലൈബ്രറിയായിരുന്നു. ഭൂമിയുടെ അതിരുകൾ കടന്ന് വിദേശത്ത് കെട്ടിടങ്ങൾ നിർമ്മിച്ച മുൻനിര ജാപ്പനീസ് വാസ്തുശിൽപികളിൽ ഒരാളാണ് അദ്ദേഹം. ലോസ് ഏഞ്ചൽസിലെ മ്യൂസിയം ഓഫ് കണ്ടെംപററി ആർട്ട്, 1992 ൽ ബാഴ്സലോണ ഒളിമ്പിക്സിനായി നിർമ്മിച്ച പാലൗ സാൻഡ്ജോർഡി സ്റ്റേഡിയം, ഫ്ലോറിഡയിലെ വാൾട്ട് ഡിസ്നിയുടെ ആസ്ഥാന കെട്ടിടം എന്നിവ അദ്ദേഹത്തിന്‍റെ പ്രധാന നിർമ്മാണങ്ങളിൽ ഉൾപ്പെടുന്നു.