ജോയ്ആലുക്കാസ് എക്സ്ചേഞ്ചിന്റെ കുവൈറ്റിലെ പുതിയ ബ്രാഞ്ച് മംഗഫിൽ പ്രവർത്തനം ആരംഭിച്ചു

കുവൈറ്റ് : പ്രമുഖ മണി എക്സ്ചേഞ്ച് സ്ഥാപനമായ ജോയ്ആലുക്കാസ് എക്സ്ചേഞ്ചിന്റെ പുതിയ ബ്രാഞ്ച് കുവൈറ്റിലെ മംഗഫിൽ പ്രവർത്തനം ആരംഭിച്ചു. ജോയ്ആലുക്കാസ് എക്സ്ചേഞ്ച് മാനേജിംഗ് ഡയറക്ടർ അന്റണി ജോസ് ബ്രാഞ്ചിന്റെ ഉദ്ഘാടനം നിർവഹിച്ചു. ഏറ്റവും മികച്ച സേവനം, ഏറ്റവും ആദായകരമായ നിരക്കിൽ നൽകുക എന്ന ഉദ്ദേശത്തോടെ കുവൈറ്റിലെ കൂടുതൽ പ്രവാസികളിലേക്ക് ജോയ്ആലുക്കാസ് എക്സ്ചേഞ്ചിന്റെ സേവനം എത്തിക്കാൻ സാധിക്കുന്നതിൽ സന്തോഷമുണ്ടെന്ന് അന്റണി ജോസ് പറഞ്ഞു. ഏറ്റവും പ്രിയപ്പെട്ട മണി എക്സ്ചേഞ്ച് എന്ന രീതിയിൽ ഇതിനോടകം ജനങ്ങൾ നെഞ്ചോട് ചേർത്ത ജോയ്ആലുക്കാസ് എക്സ്ചേഞ്ച് കുവൈറ്റിലെ കൂടുതൽ സ്ഥലങ്ങളിലേക്ക് പ്രവർത്തനം വ്യാപിപ്പിക്കുമെന്നും അദ്ദേഹം കൂട്ടിച്ചേർത്തു.

മുന്നൂറോളം പേർ പങ്കെടുത്ത വിപുലമായ ഉദ്ഘാടനച്ചടങ്ങിൽ കമ്പനി ജനറൽ മാനേജർ അഷ്‌റഫ് അലി, അസിസ്റ്റന്റ് ജനറൽ മാനേജർ അബ്ദുൾ അസീസ് മാട്ടുവയിൽ , ജോയ്ആലുക്കാസ് എക്സ്ചേഞ്ചിന്റെ ഏരിയ മാനേജർമാർ, ബ്രാഞ്ച് മാനേജർമാർ, ബിസിനസ് ഡെവലപ്മെന്റ് ഓഫീസർമാർ, ഹെഡ് ഓഫീസ് പ്രതിനിധികൾ, കുവൈറ്റിലെ സാമൂഹിക സാംസ്കാരിക പ്രവർത്തകർ, മാധ്യമപ്രവർത്തകർ, ബിസിനസ് പങ്കാളികൾ തുടങ്ങിയവർ പങ്കെടുത്തു.