ഒരു ലക്ഷം രൂപ വിലവരുന്ന ആരോഗ്യ ഉപകരണങ്ങൾ സംഭാവന ചെയ്ത്‌ മണപ്പുറം ഫിനാൻസ്.
കൊവിഡ് ഫസ്റ്റ് ലൈൻ ട്രീറ്റ്മെന്റ് സെന്ററിന് മണപ്പുറം ഫിനാൻസിന്റെ സഹായഹസ്തം.
തൃശ്ശൂർ: നാട്ടികയിൽ പ്രവർത്തിച്ചു വരുന്ന ലുലു കോവിഡ് ഫസ്റ്റ് ലൈൻ ട്രീറ്റ്മെന്റ് സെന്ററിലേക്ക് ഒരു ലക്ഷം രൂപ വില വരുന്ന ആരോഗ്യ ഉപകരണങ്ങൾ സംഭാവന ചെയ്ത്‌ മണപ്പുറം ഫിനാൻസ്. സെന്ററിലേക്ക് ആവശ്യമായ, സ്‌ട്രെച്ചറുകൾ, വീൽ ചെയറുകൾ, ഫാനുകൾ തുടങ്ങിയവയാണ് വിതരണം ചെയ്‌തത്‌. ഉപകരണങ്ങൾ മണപ്പുറം ഫിനാൻസ് മാനേജിങ് ഡയറക്ടർ വി. പി. നന്ദകുമാർ ലുലു സി.എഫ്.എൽ.ടി.സി അഡ്മിനിസ്ട്രേറ്റർ ഡോ. കെ. രാധാകൃഷ്ണന് കൈമാറി.
കൊവിഡ് പടരുന്ന സാഹചര്യത്തിൽ ആരോഗ്യ ഉപകരണങ്ങൾ ആവിശ്യാനുസരണം ട്രീറ്റ്മെന്റ് സെന്ററിൽ എത്തിച്ചു ജനങ്ങൾക്കു പിന്തുണയായി തുടർന്നും കൂടെയുണ്ടാകുമെന്ന് മണപ്പുറം ഫിനാൻസ് മാനേജിങ്ഡയറക്ടർ വി. പി. നന്ദകുമാർ പറഞ്ഞു.
തളിക്കുളം ബ്ലോക്ക് പഞ്ചായത്ത്‌ പ്രസിഡന്റ്‌ കെ സി പ്രസാദ് മുഖ്യാതിഥിയായിരുന്ന ചടങ്ങിൽ മണപ്പുറം ഫിനാൻസ് കോ പ്രൊമോട്ടർ സുഷമ നന്ദകുമാർ, മണപ്പുറം ഫൗണ്ടേഷൻ സി.ഇ.ഒ. ജോർജ്‌ ഡി ദാസ്, മണപ്പുറം ഫിനാൻസ് ചീഫ് പി.ആർ ഓ. സനോജ് ഹെർബെർട്, സീനിയർ പി ആർ.ഓ. അഷറഫ് കെ എം എന്നിവർ പങ്കെടുത്തു.
