മോദിയുടെ ബിരുദ വിശദാംശം ആവശ്യപ്പെട്ടു; കൈമാറേണ്ടന്ന് കോടതി വിധി, കേജ്‍‌‌രിവാളിന് 25,000 പിഴ
ന്യൂഡല്‍ഹി: പ്രധാനമന്ത്രി നരേന്ദ്ര മോദിയുടെ ബിരുദവുമായി ബന്ധപ്പെട്ട വിശദാംശങ്ങൾ കൈമാറണമെന്ന കേന്ദ്ര വിവരാവകാശ കമ്മീഷന്‍റെ ഉത്തരവ് ഗുജറാത്ത് ഹൈക്കോടതി റദ്ദാക്കി. 2016ൽ ഡൽഹി മുഖ്യമന്ത്രി അരവിന്ദ് കെജ്രിവാളിന് വിവരങ്ങൾ കൈമാറാൻ വിവരാവകാശ കമ്മീഷൻ ഗുജറാത്ത് സർവകലാശാലയ്ക്ക് നിർദേശം നൽകിയിരുന്നു. വിശദാംശങ്ങൾ തേടി ഹർജി നൽകിയതിന് അരവിന്ദ് കെജ്രിവാളിന് ഹൈക്കോടതി 25,000 രൂപ പിഴയും വിധിച്ചു. മോദിയുടെ ബിരുദവുമായി ബന്ധപ്പെട്ട വിശദാംശങ്ങൾ കൈമാറേണ്ട ആവശ്യമില്ലെന്ന് ജസ്റ്റിസ് ബിരേൻ വൈഷ്ണവ് ഉത്തരവിൽ പറഞ്ഞു. മോദിയുടെ വിദ്യാഭ്യാസ യോഗ്യത തെളിയിക്കാനുള്ള കെജ്രിവാളിന്‍റെ നീക്കത്തെ ചോദ്യം ചെയ്ത ഗുജറാത്ത് സർവകലാശാല വിദ്യാർത്ഥികളുടെ ബിരുദ വിശദാംശങ്ങൾ വിവരാവകാശ നിയമത്തിന്‍റെ പരിധിയിൽ വരില്ലെന്ന് വാദിച്ചു.
