മെഡിക്കൽ - ഡെൻ്റൽ പ്രവേശനത്തിന് ഒ ബി സി വിഭാഗത്തിന് 27% സംവരണം അനുവദിച്ചു.
ഒ ബി സി വിഭാഗത്തിന് മെഡിക്കൽ ഡെൻ്റൽ പ്രവേശനത്തിൽ 27% സംവരണം അനുവദിച്ചു. ബിരുദ ബിരുദാനന്തര കോഴ്സുകളിലെ അഖിലേന്ത്യാ ക്വോട്ടയിലാണ് സംവരണം. ഇത് കൂടാതെ സാമ്പത്തികമായി പിന്നോക്കം നില്കുന്നവർക്ക്‌ 10% സംവരണം ഏർപ്പെടുത്തി. ബിരുദ പ്രവേശനത്തിന് ആകെ മെഡിക്കൽ സീറ്റുകളിൽ 15% വും ബിരുദാനന്തര ബിരുദത്തിൽ 50% വും ആണ് അഖിലേന്ത്യാ ക്വോട്ടയായി നൽകുന്നത്. നേരെത്തെ പട്ടിക വിഭാഗങ്ങൾക്ക് മാത്രമാണ് സംവരണം ഉണ്ടായിരുന്നത്. ആരോഗ്യ വിദ്യാഭ്യാസ മേഖലയിൽ കേന്ദ്ര സർക്കാർ എടുത്ത ചരിത്രപരമായ തീരുമാനം എന്നാണ് കേന്ദ്ര ആരോഗ്യ മന്ത്രാലയം ഇതിനെ വിശേഷിപ്പിച്ചത്.
