കൊവിഡ് മുന്നണി പോരാളികളെ ആദരിച്ചുകൊണ്ട് ഒഐസിസി കുവൈറ്റ് 'മലയാളോത്സവം'
കുവൈറ്റ്: ഒന്നര മാസത്തെ മുന്നൊരുക്കങ്ങളും ആവേശത്തിനുമൊപ്പം ഓണത്തിന്റെ ഗതകാല സ്മരണകൾ ഉണർത്തി ഒഐസിസി കുവൈറ്റ് 'മലയാളോത്സവം'.
'സതീശൻ പാച്ചേനി നഗർ' എന്ന് നാമകരണം ചെയ്ത ഖൈത്താൻ ഇന്ത്യൻ കമ്മ്യൂണിറ്റി സ്കൂൾ ഓഡിറ്റോറിയത്തിൽ രാവിലെ 11മണിക്ക്, അന്തരിച്ച കെപിസിസി അംഗവും കണ്ണൂർ മുൻ ഡിസിസി പ്രസിഡണ്ടുമായിരുന്ന സതീശൻ പാച്ചേനിക്ക് ആദരാഞ്ജലികൾ അർപ്പിച്ചു തുടങ്ങിയ പരിപാടിയിൽ രാഹുൽ മാങ്കൂട്ടത്തിൽ മുഖ്യാതിഥിയായി.
ഒഐസിസി ആക്ടിങ് പ്രസിഡണ്ട് എബി വാരികാട് അധ്യക്ഷത വഹിച്ച ചടങ്ങിൽ പ്രോഗ്രാം ജനറൽ കൺവീനർ ബി എസ് പിള്ള സ്വാഗതവും, ട്രഷറർ രാജീവ് നടുവിലേമുറി നന്ദിയും രേഖപ്പെടുത്തി. ഗായകൻ കൊല്ലം ഷാഫി, കുവൈറ്റിലെ സാമൂഹ്യ സാംസ്‌കാരിക രംഗത്തെ പ്രമുഖർ, മാധ്യമ പ്രവർത്തകർ തുടങ്ങി നിരവധി പേർ സന്നിഹിതരായിരുന്നു.
