മൊണാകോയെ തോൽപ്പിച്ചത് എതിരില്ലാത്ത രണ്ടു ഗോളുകൾക്ക്‌.
ഫ്രഞ്ച് കപ്പ് സ്വന്തമാക്കി പിഎസ്ജി.
പാരിസ്:
എതിരില്ലാത്ത രണ്ടു ഗോളുകൾക്ക്‌ മൊണാകോയെ തോൽപ്പിച്ച് ഫ്രഞ്ച് കപ്പ് സ്വന്തമാക്കി പിഎസ്ജി. ഒരു ഗോളും ഒരു അസിസ്റ്റുമായി എംബാപ്പെ മത്സരത്തിലെ താരമായി. അവസാന ആറ് സീസണുകൾക്ക് ഇടയിൽ പിഎസ്ജിയുടെ അഞ്ചാം ഫ്രഞ്ച് കപ്പ് ആണിത്. ഇതോടെ പിഎസ്ജി ഫ്രഞ്ച് കപ്പിൽ 14 കിരീടം പൂർത്തിയാക്കി. എംബാപ്പെയുടെ പാസിൽ നിന്ന് ഇക്കാർഡി ലക്ഷ്യം കണ്ട ആദ്യ ഗോൾ 19ആം മിനിറ്റിലായിരുന്നു. 81ആം മിനിറ്റിൽ ആയിരുന്നു എംബാപ്പെയുടെ ഗോൾ. പിഎസ്ജി പരിശീലകൻ എന്ന നിലയിൽ പോച്ചടീനോയുടെ രണ്ടാം കിരീടം കൂടിയാണിത്.
