ഫൂട്ടർ ഭാഗത്ത് ഉൾപ്പെടുത്തിയിട്ടുള്ള സബ്കാ സാത്ത്, സബ്കാ വിശ്വാസ് എന്ന മുദ്രാവാക്യവും പ്രധാനമന്ത്രിയുടെ ചിത്രവും നീക്കം ചെയ്യണമെന്നാണ് നിർദേശം.
മോദിയുടെ ചിത്രം വേണ്ട, പകരം സുപ്രീം കോടതിയുടെ ചിത്രം; ഔദ്യോഗിക ഇ മെയിലിൽ നിന്ന് പ്രധാനമന്ത്രിയുടെ ഫോട്ടോ നീക്കം ചെയ്യണമെന്ന് സുപ്രീം കോടതി
ന്യൂഡൽഹി: സുപ്രീം കോടതിയുടെ ഔദ്യോഗിക ഇ മെയിലിന്റെ ഫൂട്ടർ ഭാഗത്ത് ഉൾപ്പെടുത്തിയിരിക്കുന്ന പ്രധാനമന്ത്രിയുടെ ചിത്രവും കേന്ദ്ര സർക്കാരിന്റെ മുദ്രാവാക്യവും എടുത്തു മാറ്റാൻ സുപ്രീം കോടതിയുടെ നിർദേശം. സബ്കാ സാത്ത്, സബ്കാ വിശ്വാസ് എന്ന മുദ്രാവാക്യവും പ്രധാനമന്ത്രിയുടെ ചിത്രവും ആണ് ഫൂട്ടർ ഭാഗത്ത് ഉൾപ്പെടുത്തിയിരുന്നത്. ഇത് നീക്കം ചെയ്യാനാണ് സുപ്രീം കോടതിയുടെ ഔദ്യോഗിക മെയിലിന്റെ സാങ്കേതിക വിഭാഗം കൈകാര്യം ചെയ്യുന്ന നാഷണൽ ഇൻഫോർമാറ്റിക്‌സ് സെന്ററിനോട് ആവശ്യപ്പെട്ടിരിക്കുന്നത്. ഇ മെയിലിന്റെ ഫൂട്ടർ ആയി സുപ്രീം കോടതിയുടെ ചിത്രം ഉപയോഗിക്കാനും നിർദ്ദേശത്തിലുണ്ട്.
സുപ്രീം കോടതി അയയ്ക്കുന്ന ഏത് മെയിലിനൊപ്പവും ഇവ ഉണ്ടാകും. ജുഡീഷ്യറിയുടെ പ്രവർത്തനവുമായി യാതൊരു ബന്ധവുമില്ലാത്ത ചിത്രങ്ങൾ സുപ്രീം കോടതിയുടെ ഇ മെയിലിനൊപ്പം നൽകുന്നത് അംഗീകരിക്കാനാവില്ലെന്ന് കോടതി ചൂണ്ടിക്കാട്ടി.
