സന്തോഷ് ട്രോഫി ജേതാക്കള്‍ക്ക് അഞ്ച് ലക്ഷം രൂപ വീതം പാരിതോഷികം
സംസ്ഥാന മന്ത്രിസഭായോഗത്തിൽ സന്തോഷ് ട്രോഫി ഫുട്ബോൾ ജേതാക്കളായ കേരള ടീം അംഗങ്ങൾക്ക് അഞ്ച് ലക്ഷം രൂപവീതം പാരിതോഷികം നല്‍കാൻ സർക്കാർ തീരുമാനിച്ചു. 20 കളിക്കാര്‍ക്കും പരിശീലകനും അഞ്ച് ലക്ഷം രൂപ വീതവും സഹപരിശീലകര്‍ക്കും ഫിസിയോയ്ക്കും മൂന്ന് ലക്ഷം വീതവുമാണ് നല്‍കുക. മുഖ്യ പരിശീലകൻ ബിനോ ജോർജ്ജിനും 5 ലക്ഷം രൂപ സമ്മാനമായി നൽകാനും കേരള സർക്കാർ തീരുമാനിച്ചു. തീരുമാനം ഏറെ സന്തോഷിപ്പിക്കുന്നുവെന്ന് സന്തോഷ് ട്രോഫ് ടീം പരിശീലകന്‍ ബിനോ ജോര്‍ജ് അഭിപ്രായപ്പെട്ടു.
