ബീജദാനം ഉത്തരവാദിത്തമുള്ള ജോലി; ലൈംഗിക ജീവിതം അവഗണിച്ച് യുവാവ്

കാലിഫോർണിയ: ബീജദാനം ഒരു മഹത്തായ പ്രവൃത്തിയാണെന്നും അതിനാൽ സ്വന്തം സന്തോഷത്തിനായുള്ള ലൈംഗിക ജീവിതം വേണ്ടെന്നും പരസ്യമായി പ്രഖ്യാപിച്ച് യുവാവ്. ബീജദാനം തന്റെ ജീവിതത്തിന്റെ ഭാഗമായി തന്നെ കാണുന്നുവെന്നും കാലിഫോർണിയയിൽ നിന്നുള്ള കൈൽ ഗോർഡി പറയുന്നു. 2014ലാണ് 31കാരനായ കൈൽ ആദ്യമായി ബീജം ദാനം ചെയ്തത്. തന്‍റെ ബീജം ഉപയോഗിച്ച് ഇതുവരെ 57 കുട്ടികൾ ജനിച്ചുവെന്നും പറയുന്ന യുവാവ്, ആ കുട്ടികളുടെയെല്ലാം അച്ഛനാവാൻ കഴിഞ്ഞത് വലിയൊരു കാര്യമാണെന്നും അഭിപ്രായപ്പെടുന്നു. ഒൻപത് വർഷം മുൻപ് വരെ എല്ലാ സന്തോഷങ്ങളും അനുഭവിച്ചിരുന്നൊരു കുത്തഴിഞ്ഞ ജീവിതമായിരുന്നു തന്റേത്. എന്നാൽ അതെല്ലാം മറന്ന് കൂടുതൽ ഉത്തരവാദിത്തങ്ങളോടെയുള്ള ജീവിതമാണ് ഇപ്പോൾ നയിക്കുന്നതെന്നാണ് ഇദ്ദേഹം പറയുന്നത്.