പ്രായം 92, 200 സ്വർണ്ണ മെഡലുകൾ; അശോകേട്ടന് ജീവനാണ് സ്പോർട്സ്
അശോകേട്ടന് വയസ്സ് 92. എന്നാൽ പ്രായത്തിന് മുന്നിൽ തോൽക്കാതെ ഇപ്പോഴും അത്ലറ്റിക്സിലും, കായിക മത്സരങ്ങളിലും സജീവമായി പങ്കെടുത്ത് 200 ഓളം സ്വർണ്ണ മെഡലുകളാണ് അദ്ദേഹം നേടിയത്. 9 വയസ്സ് മുതൽ അശോകൻ കുന്നുങ്ങൽ കായിക വേദികളിൽ സ്ഥിര സാന്നിധ്യമാണ്. ലോംഗ് ജംപ്, ഷോട്ട്പുട്ട്, പോൾവാൾട്ട് എന്നിവയിൽ നിന്നെല്ലാമാണ് സ്വർണ്ണം നേടിയത്. 1955 ൽ സർവീസസിനായി പോൾവാൾട്ടിൽ പങ്കെടുത്ത് ചാമ്പ്യനായി. സിങ്കപ്പൂർ, മലേഷ്യ, ജപ്പാൻ, അമേരിക്ക, ജക്കാർത്ത, തുടങ്ങിയ രാജ്യങ്ങളിലെല്ലാം മത്സരത്തിനെത്തി. 5 മണിക്ക് എഴുന്നേറ്റ്, 7 മണി ആവുന്നതോടെ ഗ്രൗണ്ടിൽ എത്തും. വോളിബോളിൽ ഇന്ത്യൻ നേവിയുടെ കോച്ചായിരുന്നപ്പോഴായിരുന്നു വിവാഹം. അന്ന് മുതൽ ഭാര്യ വിജയലക്ഷ്മിയും എല്ലാവിധ പിന്തുണയും നൽകി കൂടെ ഉണ്ട്. മക്കളും കായിക മത്സരങ്ങളിൽ സജീവമായതിന്റെ സന്തോഷത്തിലാണ് അദ്ദേഹം.
