വിദ്യാർത്ഥി കർഷകരെയും എസ്.എസ്.എൽസി. പ്ലസ് ടു ഉന്നത വിജയം നേടിയവരെയും. രാജീവ് ഗാന്ധി പഠനപുരസ്കാരം നൽകി ആദരിച്ചു

രാജീവ് ഗാന്ധി പഠന കേന്ദ്രം വലപ്പാട് മണ്ഡലം കമ്മിറ്റിയുടെ നേതൃത്വത്തിൽ വിദ്യാർത്ഥികളായ കർഷകരെയും ഉന്നത വിജയം നേടിയവരെയും പുരസ്കാരം നൽകി ആദരിച്ചു. തൃശൂർ ഡി.സി.സി. പ്രസിഡണ്ട് ജോസ് വള്ളൂർ ഉദ്ഘാടനം നിർവഹിച്ചു. ഒരു വ്യക്തിയുടെ പഠന വിജയത്തിനപ്പുറം നല്ല സ്വഭാവശുദ്ധിയും വേണം ജീവിതവിജയം നേടാൻ എന്ന് ജോസ് വള്ളൂർ അഭിപ്രായപ്പെട്ടു. രാജീവ് ഗാന്ധി പഠനകേന്ദ്രം വലപ്പാട് മണ്ഡലം ചെയർമാൻ ജെൻസൻ വലപ്പാട് അധ്യക്ഷത വഹിച്ചു. രണ്ടാം ക്ലാസ് വിദ്യാർത്ഥിയായ ദേവഹർഷ് എൻ.പി, പത്താം ക്ലാസ് വിദ്യാർത്ഥിനി ആമിന ഫിദ കെ.എം എന്നീ കുട്ടി കർഷകരെ അനുമോദിച്ചു. എസ്.എസ്.എൽസി, പ്ലസ് ടു പരീക്ഷയിൽ ഉന്നത വിജയം നേടിയവരെ ആദരിക്കുന്ന പരിപാടിയിൽ നാട്ടിക ബ്ലോക്ക് കോൺഗ്രസ് പ്രസിഡണ്ട് വി.ആർ.വിജയൻ, വലപ്പാട് മണ്ഡലം പ്രസിഡണ്ട് സി.വി.വികാസ്, മണ്ഡലം വൈസ് പ്രസിഡണ്ട് ഇ.ആര്‍.രഞ്ജൻ, യൂത്ത് കോൺഗ്രസ് വലപ്പാട് മണ്ഡലം പ്രസിഡണ്ട് പ്രവീൺ രവീന്ദ്രൻ, ആന്റോ തൊറയൻ, ഷൈൻ നാട്ടിക, ടി.എൻ. സുനിൽകുമാർ, ജോസ് താടിക്കാരൻ, എം.എ.സലിം, എന്നിവർ പ്രസംഗിച്ചു. നൗഷാദ് പി.ഐ,ആദർശ് എം കിഷോർ, അനിൽ കരുവത്തി, അനന്തകൃഷ്ണൻ എന്നിവർ നേതൃത്വം നൽകി.