തളിക്കുളം ജി വി എച്ച് എസ് എസ് അലുമ്‌നി സ്മൃതി - 95 നാലാമത് റീയൂണിയൻ സംഘടിപ്പിച്ചു
തളിക്കുളം ജി വി എച്ച് എസ് എസ് 1995 എസ് എസ് എല് സി ബാച്ച് കൂട്ടായ്മയായ സ്മൃതി - 95 നാലാമത് റീയൂണിയൻ സംഘടിപ്പിച്ചു. ഹൃദ്യം - 2022 എന്ന് പേരിട്ട പരിപാടി തളിക്കുളം ഗ്രാമ പഞ്ചായത്ത് പ്രസിഡണ്ട് സജിത ഉദ്ഘാടനം ചെയ്തു. തളിക്കുളം ബ്ലോക്ക് പഞ്ചായത്ത് അംഗം ഭഗീഷ് പൂരാടൻ, തളിക്കുളം ഹൈസ്കൂൾ പ്രധാനാധ്യാപിക ഫാത്തിമ റസാഖ് എന്നിവർ ആശംസകൾ അർപ്പിച്ച് സംസാരിച്ചു. ഷിഹാബ് അബൂബക്കർ , മുഹ്സിൻ തളിക്കുളം, രമേഷ് തളിക്കുളം , എന്നിവരെ ചടങ്ങിൽ ആദരിച്ചു.അംഗങ്ങളുടെ മക്കളിൽ നിന്ന് SSLC/ പ്ലസ് ടു പരീക്ഷകളിൽ വിജയിച്ചവർക്കും കലാകായിക മത്സരങ്ങളിലെ വിജയികൾക്കും ട്രോഫികൾ വിതരണം ചെയ്തു.സ്മൃതി പ്രസിഡന്റ് അഡ്വ. സബിത അദ്ധ്യക്ഷം വഹിച്ച പരിപാടിക്ക് ഷാനവാസ് സ്വാഗതവും കാർത്തികേയൻ നന്ദിയും പറഞ്ഞു.റെഫീഖ്, സ്മിത, ഫാറസ് ,ഷിഹാബ്, ഷിജു, ബിജേഷ്, സുനിൽ തുടങ്ങിയവർ പരിപാടികൾ നിയന്ത്രിച്ചു.
