ചെന്നൈ ആസ്ഥാനമായ ഐ ടി സ്ഥാപനം 100 ജീവനക്കാർക്ക് കാറുകൾ സമ്മാനിച്ചു
ചെന്നൈ ആസ്ഥാനമായുള്ള ഐ ടി സ്ഥാപനം തങ്ങളുടെ 100 ജീവനക്കാർക്ക് കാറുകൾ സമ്മാനിച്ചു. സ്ഥാപനത്തിൻ്റെ വിജയത്തിനും വളർച്ചയ്ക്കും ജീവനക്കാർ നൽകിയ സമാനതകൾ ഇല്ലാത്ത സംഭാവനകൾക്കും നിരന്തര പിന്തുണയ്ക്കുമുള്ള സമ്മാനമാണ് നൽകിയതെന്ന് കമ്പനി അധികൃതർ പറഞ്ഞു.
ഐഡിയാസ്2ഐടി എന്ന ഐ ടി സ്ഥാപനമാണ് തങ്ങളുടെ 100 ജീവനക്കാർക്ക് മാരുതി സുസുക്കി കാറുകൾ സമ്മാനമായി നൽകിയത്. 10 വർഷത്തിലേറെയായി അർപണ ബോധത്തോടെ ജോലി ചെയ്യുന്ന 100 ജീവനക്കാർക്കാണ് കാറുകൾ സമ്മാനിച്ചതെന്ന് ഐഡിയാസ്2ഐടി
മാർക്കറ്റിങ്ങ് ഹെഡ് ഹരി സുബ്രഹ്മണ്യൻ പറഞ്ഞു. നിലവിൽ 500 ജീവനക്കാരാണ് കമ്പനിയിൽ ജോലി ചെയ്യുന്നത്. ജീവനക്കാരുടെ കഠിനാധ്വാനത്തിലൂടെ ലഭിച്ച സമ്പത്ത് ജീവനക്കാർക്ക് തിരികെ നൽകുക എന്ന ആശയമാണ് പ്രാവർത്തികമായതെന്ന് അദ്ദേഹം കൂട്ടിച്ചേർത്തു.
