ഞായറാഴ്ച ലോക്ഡൗണ് പിന്വലിച്ചു, സ്കൂളുകളില് വൈകിട്ടുവരെ ക്ലാസുകള്
തിരുവനന്തപുരം: കൊവിഡ് വ്യാപനത്തിന്റെ പശ്ചാത്തലത്തില് സംസ്ഥാനത്ത് ഞായറാഴ്ച ഏര്പ്പെടുത്തിയിരുന്ന ലോക്ഡൗണ് സമാന നിയന്ത്രണം പിന്വലിച്ചു. സ്കൂളുകളില് ഒന്പതു വരെയുള്ള ക്ലാസുകള് തിങ്കളാഴ്ച മുതല് പുനരാരംഭിക്കും. ഈ മാസം 28 മുതല് ക്ലാസുകള് സാധാരണ നിലയില് വൈകിട്ടുവരെയാക്കും. പരീക്ഷയ്ക്ക് മുമ്പായി പാഠഭാഗങ്ങള് എടുത്തു തീര്ക്കുന്നതു ലക്ഷ്യമിട്ടാണ് നടപടി. മുഖ്യമന്ത്രിയുടെ അധ്യക്ഷതയില് ഇന്നു ചേര്ന്ന കൊവിഡ് അവലോകന യോഗത്തിലാണ് തീരുമാനം.