കർഷക മോർച്ച വലപ്പാട് പഞ്ചായത്ത് കമ്മിറ്റിയുടെ നേതൃത്വത്തിൽ കർഷകരെ ആദരിച്ചു.
വലപ്പാട്: കർഷക ദിനത്തോടനുബന്ധിച്ച് കർഷക മോർച്ച വലപ്പാട് പഞ്ചായത്ത് കമ്മിറ്റിയുടെ നേതൃത്വത്തിൽ പത്തോളം കർഷകരെ വീടുകളിലെത്തി ആദരിച്ചു. കർഷക മോർച്ച മണ്ഡലം പ്രസിഡണ്ട് സിജു തയ്യിൽ അധ്യക്ഷത വഹിച്ച ചടങ്ങിൽ മണ്ഡലം ജനറൽ സെക്രട്ടറി രഘുലാൽ വടക്കുഞ്ചേരി സ്വാഗതം പറഞ്ഞു. കിസാൻ മോർച്ച ജില്ലാ കമ്മിറ്റി അംഗം വാസുദേവൻ തെക്കിനിയേടത്ത് ഉദ്ഘാടനം നിർവഹിച്ചു. ബിജെപി വലപ്പാട് പഞ്ചായത്ത് ജോയിന്റ് കൺവീനർ സോമദത്തൻ, സതീഷ്, രാജൻ പടിയത്ത്, രാജൻ കിഴക്കൻ എന്നിവർ നേതൃത്വം നൽകി.
