നാട്ടിക എം എൽ എ സി സി മുകുന്ദന് ബി കെ എം യു വലപ്പാട് പഞ്ചായത്ത് കമ്മിറ്റിയുടെ സ്നേഹാദരവ്.
വലപ്പാട്: ബി കെ എം യു വലപ്പാട് പഞ്ചായത്ത് കമ്മിറ്റിയുടെ നേതൃത്വത്തിൽ നാട്ടിക എം എൽ എസി സി മുകുന്ദനെ ആദരിച്ചു. സി പി ഐ നാട്ടിക മണ്ഡലം സെക്രട്ടേറിയേറ്റ് അംഗം പി കെ ശശിധരൻ പൊന്നാട അണിയിച്ചു. ബി കെ എം യു വലപ്പാട് പഞ്ചായത്ത് സെക്രട്ടറി രാജൻ പട്ടാട്ടും സി പി ഐ വലപ്പാട് ലോക്കൽ കമ്മിറ്റി സെക്രട്ടറി എം ജി സുഭാഷും ഉപഹാരം നൽകി.
ചടങ്ങിൽ തളിക്കുളം ബ്ലോക്ക് പഞ്ചായത്ത് എടമുട്ടം ഡിവിഷൻ മെമ്പർ വസന്തദേവലാൽ പാട്ടുകുളങ്ങര കോളനി കുടിവെള്ള വിഷയത്തിൽ സി സി മുകുന്ദൻ എം എൽ എയ്ക്ക് നിവേദനം കൈമാറി. പി കെ കണ്ണൻ കുടുംബ സഹായ ഫണ്ട് ബി കെ എം യു വലപ്പാട് പഞ്ചായത്ത് കമ്മിറ്റി പ്രസിഡണ്ട് കണ്ണൻ വലപ്പാട് കൈമാറി.
തുടർന്ന് ചടങ്ങിൽ കിസാൻസഭ നാട്ടിക മണ്ഡലം പ്രസിഡണ്ട് വി ആർ മോഹൻദാസ്, കിസാൻ സഭ വലപ്പാട് പഞ്ചായത്ത് കമ്മിറ്റി പ്രസിഡണ്ട് സുചിന്ദ് പുല്ലാട്ട്, ഹിരൺ, സീന കണ്ണൻ, സുഗന്ധി ഉല്ലാസ് എന്നിവർ സംസാരിച്ചു.
