പാരാ ലീഗൽ വൊളന്റിയർമാരെ തിരഞ്ഞെടുക്കുന്നു
തൃശൂർ:സേവന സന്നദ്ധരും സൽസ്വഭാവികളുമായ പൊതുജനങ്ങളിൽ നിന്ന് തൃശൂർ താലൂക്ക് ലീഗൽ സർവീസസ് കമ്മിറ്റി പാരാ ലീഗൽ വൊളന്റിയർമാരെ തിരഞ്ഞെടുക്കുന്നു. പ്രായപരിധി 18 മുതൽ 60 വയസ് വരെ. എസ് എസ് എൽ സി പാസായവർക്ക് മുൻഗണന. പാരാ ലീഗൽ വൊളന്റിയർമാരുടെ സേവനത്തിന് താലൂക്ക് ലീഗൽ സർവീസസ് കമ്മിറ്റി നിശ്ചയിക്കുന്ന ഹോണറേറിയം അല്ലാതെ ശമ്പളമോ മറ്റ് ആനുകൂല്യങ്ങളോ ഉണ്ടായിരിക്കില്ല. വൊളന്റിയർമാരായി പ്രവർത്തിക്കാൻ ആഗ്രഹിക്കുന്നവർ പൂരിപ്പിച്ച അപേക്ഷ ജനുവരി 18 ന് വൈകുന്നേരം 5 മണി വരെ ചെയർമാൻ, താലൂക്ക് ലീഗൽ സർവീസസ് കമ്മിറ്റി, റൂം നമ്പർ : 49, കലക്ട്രേറ്റ്, അയ്യന്തോൾ, തൃശൂർ - 680003 എന്ന വിലാസത്തിൽ അപേക്ഷ സമർപ്പിക്കണം. അപേക്ഷ ഫോറം താലൂക്ക് ലീഗൽ സർവീസസ് കമ്മിറ്റി ഓഫീസിൽ നിന്ന് സൗജന്യമായി ലഭിക്കും. ഫോൺ: 8921995026
