അടിയന്തര യോഗം ചേർന്ന് ഐക്യരാഷ്ട്ര സഭ; സഖ്യകക്ഷി നേതാക്കളെ ഫോണിൽ വിളിച്ച് അമേരിക്കൻ പ്രസിഡണ്ട്

ബെലറൂസ് അതിർത്തിയിൽ ഉക്രയ്ൻ-റഷ്യ ചർച്ച. യൂറോപ്പിനെ പിടിച്ചു കുലുക്കുന്ന ഭീകരമായ സംഘർഷത്തെപ്പറ്റി ചർച്ച ചെയ്യാൻ അടിയന്തര യോഗം വിളിച്ചു ചേർത്ത് ഐക്യരാഷ്ട്ര സഭ. സഖ്യകക്ഷി നേതാക്കളെ ഫോണിൽ വിളിച്ച് അമേരിക്കൻ പ്രസിഡണ്ട് ജോ ബൈഡൻ. ലോകത്തിൻ്റെയാകെ ശ്രദ്ധ യൂറോപ്പിൽ കേന്ദ്രീകരിക്കുന്ന മറ്റൊരു ദിവസത്തിൻ്റെ ആരംഭം സംഭവ ബഹുലമായാണ്.

ഉക്രയ്‌നെതിരായ റഷ്യയുടെ ആക്രമണത്തെക്കുറിച്ചുള്ള ഏറ്റവും പുതിയ സംഭവവികാസങ്ങൾ ചർച്ച ചെയ്യുന്നതിനും പ്രതികരണങ്ങൾ ഏകോപിപ്പിക്കുന്നതിനുമായി സഖ്യകക്ഷികളുമായും പങ്കാളികളുമായും പ്രസിഡണ്ട് ജോ ബൈഡൻ ഒരു സുരക്ഷിത കോൾ ഹോസ്റ്റുചെയ്യുമെന്ന് വൈറ്റ് ഹൗസ് അറിയിച്ചു. ജോ ബൈഡനുമായുള്ള ടെലിഫോൺ സംഭാഷണത്തിന്റെ ഭാഗമാകുക ഏതെല്ലാം നേതാക്കളാണെന്ന് വൈറ്റ് ഹൗസ് വെളിപ്പെടുത്തിയിട്ടില്ല. നേരത്തേ, പുതിൻ നൽകിയ ആണവ മുന്നറിയിപ്പിനെ അമേരിക്ക ശക്തിയായി അപലപിച്ചിരുന്നു.