'മലയാളം മിഷൻ വജ്രകാന്തി ക്വിസ് മത്സരം' കുവൈറ്റ് ചാപ്റ്ററിൽ നിന്നുള്ള മത്സരാർഥികളെ തെരഞ്ഞെടുത്തു
കുവൈറ്റ്: മലയാളംമിഷൻ ആഗോളതലത്തിൽ നടത്തുന്ന വജ്രകാന്തി 2021 ക്വിസ് മത്സരത്തിൽ പങ്കെടുക്കുന്നതിനുള്ള കുവൈറ്റ് ചാപ്റ്ററിൽ നിന്നുള്ള മത്സരാർഥികളെ തെരഞ്ഞെടുത്തു.ആഗോള തല ക്വിസ് മത്സരം ഒക്ടോബർ മൂന്നിന് ജി എസ് പ്രദീപ് ഓൺലൈൻ വഴി നടത്തും.
കുവൈറ്റ് ചാപ്റ്ററ്ററിൽ നിന്ന് അധ്യാപക വിഭാഗത്തിൽ ഷിജി സനത് (ഫോക്ക് കണ്ണൂർ),ഷാജിമോൻ ഈരേത്ര ജോസഫും (SMCA), സീനിയർ വിഭാഗത്തിൽ അദ്വൈത് അഭിലാഷ് (കല കുവൈറ്റ്), സോന സുബിൻ (SMCA) ജൂനിയർ വിഭാഗത്തിൽ അനുഷിഖ ശ്രീജ വിനോദ് (ഫോക്ക് കണ്ണൂർ), ഏബൽ ജോസഫ് ബാബു (SMCA), സബ് ജൂനിയർ വിഭാഗത്തിൽ ജൂവൽ ഷാജിമോൻ (SMCA), പാർത്ഥിവ് ഷാബു (ഫോക്ക് കണ്ണൂർ) എന്നിവർ ആഗോള മത്സരത്തിൽ പങ്കെടുക്കും.കുവൈറ്റ് ചാപ്റ്റർ തല മത്സരങ്ങൾക്ക് മലയാളം മിഷൻ കുവൈറ്റ് ചാപ്റ്റർ അംഗങ്ങളായ ജി.സനൽകുമാർ, സജീവ് എം ജോർജ്ജ്, സജിതാ സ്ക്കറിയ, ബിന്ദുസജീവ്, വിവിധ മേഖലയിൽ നിന്നുള്ള ആസഫ് അലി, ടോം സെബാസ്റ്റ്യൻ വയലിൽ, ശ്രീഷ ദയാനന്ദൻ , മഹേഷ് എന്നിവർ നേതൃത്വം നൽകി.
