ലഹരി വിരുദ്ധ പ്രവർത്തനത്തിൽ അമ്മമാർക്കും ബോധവൽക്കരണ ക്ലാസ് സംഘടിപ്പിച്ച് വലപ്പാട് ഭാരത് വിദ്യാ മന്ദിർ

വലപ്പാട് : തൃശ്ശൂർ റൂറൽ എസ് പി ഐശ്വര്യ ഡോങ്‌റേ ഐ പി എസ് ഉദ്ഘാടനം നടത്തിയ ' മിഷൻ 2022'കാമ്പയിന്റെ തുടർച്ചയായി വലപ്പാട് ഭാരത് വിദ്യാ മന്ദിർ സീനിയർ സെക്കണ്ടറി സ്കൂളിൽ പി ടി എ യുടെ നേതൃത്വത്തിൽ അമ്മമാർക്ക് ബോധവൽക്കരണ ക്ലാസ് സംഘടിപ്പിച്ചു. പ്രശസ്ത ക്ലിനിക്കിൽ സൈക്കോളജിസ്റ്റ് ജിസ്സോ ജോസഫ് ക്ലാസ് എടുത്തു. മദർ പി.ടി.എ പ്രസിഡണ്ട് രശ്മി ഷിജോ അദ്ധ്യക്ഷത വഹിച്ച ചടങ്ങിൽ പ്രിൻസിപ്പൽ ആർ ദിനേശൻ സ്വാഗതം ചെയ്തു. പി. ടി.എ പ്രസിഡണ്ട് ആർ എം മനാഫ് , മാനേജർ അജിത് പ്രസാദ്, വൈസ് പ്രിൻസിപ്പാൾ ജ്യോതി എ, ജൂനിയർ വൈസ് പ്രിൻസിപ്പാൾ സരിത എൻ, പി.ടി.എ വൈസ് പ്രസിഡണ്ട് അശ്വതി എന്നിവർ സംസാരിച്ചു.