കുവൈറ്റ് ലുലു ഹൈപ്പർമാർക്കറ്റിൽ ലോക ഭക്ഷ്യമേള ആരംഭിച്ചു
കുവൈറ്റ് : അൽ റായ് ഔട്ട്‌ലെറ്റിൽ നടന്ന ചടങ്ങിൽ പ്രശസ്ത ഇന്ത്യൻ ചലച്ചിത്ര നടി രജിഷ വിജയനും കുവൈറ്റിലെ പ്രശസ്ത അറബി ഷെഫ് മിമി മുറാദും ചേർന്ന് ഉദ്‌ഘാടനം നിർവഹിച്ചു . ലുലു മാനേജ്‌മെന്റ് പ്രതിനിധികളും ഇവന്റ് സ്പോണ്സർമാരും ഉദ്‌ഘാടന ചടങ്ങിൽ പങ്കെടുത്തു. ലോകമെമ്പാടുമുള്ള ഭക്ഷ്യ ഉൽപന്നങ്ങളുടെ ഒരാഴ്ച നീണ്ടുനിന്ന പ്രദർശനവും വിപണനവും നടക്കുന്നതിനൊപ്പം പാചക മത്സരവും ആഘോഷത്തിന്റെ ഭാഗമായി സംഘടിപ്പിച്ചിട്ടുണ്ട് . കേക്ക് മിക്സിങ് , നീളമേറിയ ഷവർമ, മെഗാ ലോഡഡ് ഫ്രൈസ് തുടങ്ങി നിരവധി ആകർഷകമായ പരിപാടികൾ ആണ് വിവിധ ഔട്ലെറ്റുകളിൽ ഒരുക്കിയിട്ടുള്ളത് .
മത്സരങ്ങൾ, കൂടാതെ എല്ലാ ഔട്ട്‌ലെറ്റുകളിലും പ്രത്യേക ഭക്ഷണ സ്റ്റാളുകളും സാമ്പിൾ കൗണ്ടറുകളും സജ്ജീകരിച്ചിട്ടുണ്ട്.
ലോകമെമ്പാടുമുള്ള വിഭവങ്ങളുടെ ഒരു നിര ആസ്വദിക്കാനുള്ള അവസരമാണ് സന്ദർശകർക്ക് ഒരുക്കിയിരിക്കുന്നത്.
ഭക്ഷ്യമേളയിലെ മറ്റൊരു ആകർഷണം ഇന്ത്യൻ ആയിരുന്നു . ആധികാരിക ഇന്ത്യൻ ഫാസ്റ്റ് ഫുഡുകളും നിരവധി ഭക്ഷണങ്ങളും വാഗ്ദാനം ചെയ്യുന്ന സ്ട്രീറ്റ് ഫുഡ് സ്റ്റാളുകൾ സജ്ജീകരിച്ചിട്ടുണ്ട് .
