ലോക ടെസ്റ്റ് ചാമ്പ്യൻഷിപ്പ് പോയിന്റ് ടേബിൾ: ഇന്ത്യ അഞ്ചാം സ്ഥാനത്തേക്ക്

ദക്ഷിണാഫ്രിക്കക്കെതിരായ ടെസ്റ്റ് പരമ്പര അടിയറ വച്ചത് ടെസ്റ്റ് ചാമ്പ്യൻഷിപ്പ് പോയിന്റ് പട്ടികയിലും ഇന്ത്യക്ക് തിരിച്ചടി. പരമ്പര തോൽവിയോടെ ഇന്ത്യ പട്ടികയിൽ അഞ്ചാം സ്ഥാനത്തേക്ക് പിന്തള്ളപ്പെട്ടു.53 പോയിന്റുള്ള ഇന്ത്യയുടെ പോയിന്റ് ശതമാനം 49.07 ആണ്. ദക്ഷിണാഫ്രിക്ക നാലാം സ്ഥാനത്തേക്ക് ഉയർന്നു. 66.67 ശതമാനത്തിൽ ദക്ഷിണാഫ്രിക്കയ്ക്ക് 24 പോയിന്റുണ്ട്‌.

ആകെ മൂന്ന് പരമ്പരകളാണ് ഇന്ത്യ കളിച്ചത്. 8 മത്സരത്തിൽ 4 മത്സരം വിജയിച്ച ഇന്ത്യ മൂന്നെണ്ണത്തിൽ തോറ്റു. രണ്ട് ടെസ്റ്റ് സമനിലയായി. പെനാൽറ്റിയായി മൂന്ന് പോയിന്റുകൾ നഷ്ടമാവുകയും ചെയ്തു. ഇംഗ്ലണ്ടിനെതിരെ നാല് മത്സരം കളിച്ച ഇന്ത്യ 2-1നു പരമ്പര ലീഡ് ചെയ്യുകയാണ്. അവസാന മത്സരം കൊവിഡിനെ തുടർന്ന് മാറ്റിവച്ചിരുന്നു. ന്യൂസീലൻഡിനെതിരെ നടന്ന രണ്ട് ടെസ്റ്റ് പരമ്പരയിൽ ഇന്ത്യ 1-0നു വിജയിച്ചു. രണ്ട് പരമ്പരകളിലെയും ആദ്യ ടെസ്റ്റ് സമനില ആയിരുന്നു.