സാന്‍ ഫ്രാന്‍സിസ്‌കോയിലെ വീട് വിറ്റ് സക്കര്‍ബെര്‍ഗ്
സാന്‍ ഫ്രാന്‍സിസ്‌കോ: ഫേസ്ബുക്ക് സഹസ്ഥാപകനും സിഇഒയുമായ മാർക്ക് സക്കർബർഗ് സാൻ ഫ്രാൻസിസ്കോയിലെ വീട് വിറ്റതായി റിപ്പോർട്ട്. 31 ദശലക്ഷം ഡോളറിനാണ് വീട് വിറ്റത്. ഈ വർഷം നഗരത്തിലെ ഏറ്റവും വലിയ വീട് വിൽപ്പനയാണിത്. 2012 നവംബറിൽ 10 മില്യൺ ഡോളറിനാണ് സക്കർബർഗ് ഈ വീട് വാങ്ങിയത്. ഡോളോറസ് പാർക്കിന് സമീപം ലിബർട്ടി ഹില്ലിലാണ് ഈ വീട് സ്ഥിതി ചെയ്യുന്നത്. 1928 ലാണ് ഈ കെട്ടിടം പണിതത്. നാല് കിടപ്പുമുറികളും നാല് ശൗചാലയങ്ങളുമുണ്ട്. 7400 ചതുരശ്ര അടി വിസ്തീർണമുള്ള കൂറ്റൻ പാർപ്പിട സമുച്ചയമാണിത്.
