സ്പാനിഷ് ലീഗിലെ ടോപ് സ്കോറർക്കുള്ള പിച്ചിച്ചി ട്രോഫി തുടർച്ചയായ അഞ്ചാം തവണയും മെസ്സിക്ക്.
തുടർച്ചയായ അഞ്ചാം തവണയും പിച്ചിച്ചി ട്രോഫി ഉറപ്പിച്ച് മെസ്സി.
മാഡ്രിഡ്:
സ്പാനിഷ് ലീഗ് ഫുട്ബോൾ ലീഗിലെ ടോപ് സ്കോറർക്കുള്ള പിച്ചിച്ചി ട്രോഫി തുടർച്ചയായ അഞ്ചാം തവണയും ഉറപ്പിച്ച് മെസ്സി. സീസണിൽ ബാഴ്സക്കായി കളിച്ച 35 മത്സരങ്ങളിൽ നിന്ന് 30 ഗോളുകളും ഒമ്പത് അസിസ്റ്റുകളുമാണ് ഇതുവരെ മെസി നേടിയത്. സീസണിലെ അസിസ്റ്റുകളുടെ എണ്ണത്തിൽ സെൽറ്റാവിഗോയുടെ ഇയാഗോ അസ്പാസും(12), അത്ലറ്റിക്കോയുടെ മാർക്കോ ലോറെന്റോയും(11) മാത്രമെ ഈ സീസണിൽ മെസ്സിയുടെ മുന്നിലുള്ളു. സെൽറ്റവിഗോക്കെതിരായ നിർണായക പോരാട്ടത്തിലാണ് മെസ്സി സീസണിലെ മുപ്പതാം ഗോൾ നേടിയത്. ആ ഗോളിന് ടീമിനെ തോൽവിയിൽ നിന്ന് രക്ഷിക്കാനായില്ലെങ്കിലും ടോപ് സ്കോറർക്കുള്ള പിച്ചിച്ചി ട്രോഫി തുടർച്ചയായ അഞ്ചാം തവണയും ഉറപ്പിക്കാൻ ഇതോടെ മെസ്സിക്കായി.
